في حدود 25000 لحد 28000
ايه افضل عربيه مستعمله ممكن اجيبها ؟؟؟
افضل حاجه في قطع الغيار وتعيش شويه
مفيش عربيه هى الافضل على الاطلاق بس فيه الافضل بالنسبالك
وبما ان اولوياتك فى عربيه عملية اقتصاديه سهله فى الصيانة وقطع الغيار وبالسعر ده ودائماً فى المستعمل الاولوية للحالة فكده احنا بنتكلم بالظبط على الماروتى
حضرتك بالسعر ده هتجيبى موديل عالى وممكن بحالة ممتازة كسر زيرو وهى عربيه واسعة من جوه وبتشم البنزين وسهله فى الصيانة والاصلاح وقطع غيارها رخصية ومتوفره فى كل حته
الفليشيا هتبقى موديلات اواخر التسعينات (اقدم) وعربيه ناشفه لانها كانت بدايه تطور السكودا ووارثه كتير من عربيات اوربا الشرقيه فيها مشاكل حراره وعفشه مزمنة وقطع غيارها غاليه واصلاحها مش بسهولة الاسيوى
الاونو كمان جميلة بس نفس المشكة موديلات قديمة والحالة فى الغالب هتبقى متوسطة الى اقل وموتورها ضعيف اوى وحاجتها غاليه زى كل الفيات الحديث الا لو هتشترى استيراد واعتقد صعب على بنت موضوع شراء المستعمل استيراد ده
علشان كل ده الافضل ليكى الماروتى فى رائى واهلاً بيكى فى مصر موتورز
