[د.كمال]

بنقول مشكله مصر دلوقتى هى الامن والانفلات الامنى ومحدش سائل .
بنقول مشكلتنا دلوقتى البلطجيه والفوضى فى الشارع ومحدش سائل .
بنقول بلاش طبطبه على البلطجيه والفوضجيه وعايزين احكام رادعه ومحدش سائل .
هى السياحه مش عايزه ترجع ليه؟؟؟؟....عشان البلطجيه بيسرقوا السياح والاثار وعشان الأنفلات الامن والفوضى إللى فى البلد .
هى المصانع مش شغاله ليه ؟؟؟؟ ....عشان العمال مش عارفين يروحوا الورديات الليليه من البلطجيه وعشان البلطجيه بيسرقوا البضائع المحموله من المصانع .
هو إللى عنده محل أو مشروع خايف عليه من مين ؟؟؟؟...طبعا من البلطجيه .
بيقولوا المستثمرين مش عايزين ييجوا مصر ؟؟؟؟ طب من مين ؟؟؟؟ ماهو من الانفلات الامنى إللى موجود .
طب ليه الجيش والشرطه ميعملوش قوات مشتركه لفتره مؤقته للقبض على البلطجيه وضبط الشارع من الانفلات الامنى واصدار احكام رادعه على أى مخالف للقانون .....يقولولك دى مش شغلانه الجيش ....امال مين إللى بيدير البلاد ؟؟؟؟.
تعبنا من كتر الكلام والمسؤلين عن اداره البلد ودن من طين وودن من عجين ...... وكأننا بنأدن فى مالطه