رد: الحوادث اللى حصلتلك بسبب قياده السيدات
واضح ان السيدات محتاجين ابادة!!!
عموما انا اول خبطة ف العربية وكان لسة مكملتش شهر الحمد لله طبعا
كانت في الباب الخلفي اليمين
كنت راكنة ادام البيت والحمد لله كان في دليفري بموتوسيكل حطها جنب العربية و....
اهو راجل هو السبب!!
يعني مش الستات الي بيخبطو وبس
هو ممكن نقلب الموضوع حاجه حلوة كل واحد يعترف سواء راجل او ست بخطا او حادثة كان هو السبب فيها
هبتدي بنفسي .....
مرة كنت راكنة في موقف العتبة بتاع السيارات وبعدين وانا مروحة
برجع بالعربية ومش شايفة كويس من العربية اللي علي يميني وبصراحة دست بنزين مرة واحدة بالغلط المهم كان عربية جاية وراية
وخدت الختم
!!!
عبارة عن نيشان طويل بالعرض ابتداء من الباب الاول والباب الخلفي المهم كانت عربيتي قديمة بقي والاكصدام بتاعها ما شاء الله اللهم لا حسد
انا بقي نزلت ساكتة منطقتش حتي اسفة معرفتش اقولها
اصل العربية بتاعته كانت....
حاجه كدة كبيرة وسودا(بايني عليها مهمة)
انا من الخضة مشفتش اي حاجه
اصلا انا لو كنت بعت العربية مكنتش هنفع اصلحله عربيته ساعتها
لقيت راجل كبير نزل بص ع العربية وبصلي قلت بس ....كدة خلاص
مستقبلي ضاع
لقيته ركب العربية ومشي!!!
بس وانا واقفة ومش عارفة لا اتكلم ولا اتحرك
لا وكمان مشي ودة ادهشني اكتر واكتر
شوية كدة ورحت ركبت العربية ومشيت بصراحة ربنا يكرمه ولو اني معرفش هو مين يعني بس يا ريت كلكو تدعولة بظهر الغيب
__________________
 بسم الله الرحمن الرحيم
وما كان ربك نسيا
صدق الله العظيم
|