[فادى]

المشاركة الأصلية كتبت بواسطة SuMo عندك حق يا فادى بس فى سؤال : هل احنا اتربينا على النظام ولا العشوائية ؟ الحكومة هنا شايفة ان فات وقت الاصلاح و جه وقت التربية ptmnlo123per1106

و الله يا سومو الحكومة محاولتش تصلحنا, هى بتربينا و خلاص, و بأكثر الوسائل قسوة, و بتعاملنا كمجرمين حتى يثبت العكس!
قبل ما نتكلم عن العقوبات لازم نشوف ظروف البلد الاول,
كل بلد و ليها ظروفها, الطرق عندنا ينقصها الكثير من البنى التحتية, و القاهرة ممكن تتحمل عدد أكبر من السيارات بسهولة لو الحكومة صرفت شوية على البنية التحتية و الكبارى و الأنفاق و غير ذلك, و لو حسنت المواصلات و أصبحت وسائل المواصلات العامة وسيلة جذب للسائقين لا طرد, و لازم ييجى اليوم اللى افضل فيه انى اركب مترو الأنفاق عن سيارتى لأنه اسرع و انضف و اريح!
ده غير انو السيارات لدينا مختلفة شكلا و مضمونا عن معظم السيارات فى البلاد الأخرى, و اللى راكب عربية 3000 سى سى بها كل وسائل الراحة و الترف فى امريكا مش هيغلب لما يمشى كيلو و لا اتنين عشان يلف من الاتجاه الصحيح, لكن اللى راكب عربية قديمة متهالكة هتبقى المسافة دى بالنسبة اليه معضلة.
حسنوا الطرق, و المواصلات, و نوعية السيارات التى نركبها عبر ازالة الجمارك اللولبية المفروضة عليها, و بعد كده نتكلم عن المخالفات و الالتزام بقانون المرور.