المشاركة الأصلية كتبت بواسطة طارق ابوذيد
اخى العزيز هناك طريقه اسهل وهى احضار نصف موتور ريجاتا 1500 سى سى وسعره لا يتدعدى 600 جنيه وقم بعد ذلك بتقفيل باقى الموتور والله يوفقق .
|
كلام مهندس ليه في التعديلات على موقع آخر
" نصيحة اخوك الغلبان انسب موتور التمبرا و مش هينفع تركيب راس المحرك ال1100 او1300 علية لان لية 4مسامير زيادة ناحية البوجيهات لمنعة من التقفيع مع حرارة التشغيل غير ان توقيتات فتح وقفل الصبابات وحدبة الكامات مختلفة في الطول والزاوية وبالتالي مش هينفع الموضوع دة نفس الحالة مع الريجاتا ال1500 "
بالتالي مفيش حل قدامي غير موتور تاني او اني هعمر الموتور و خلاص ... طيب و موتوري القديم مش ممكن يتباع؟؟
هو 1300 6 غيار كربراتير 2باب اسبراتير الكتروني و شكمان اتنين ماسورة .. كنت جايبه استيراد من حوالي 3 سنين و متفتحش خالص .. و طبعا محتاج شغل مش عارف بقى عمره كامله ولا شنابر و صبابات و بس
طيب موتور اللانشيا ال1600 تعرف عنه حاجة ؟؟ .. سعره و سهولة تركيبه ؟؟
سؤال تاني قواعد الميزان اللي في صدر العربية اللي في الصورة .. مش بتجيي في عربيات استيراد عندكوا ... لو عندك ياريت تقولي
و كمان دعامات حديد بتتربط مع الميزان من قدام و ورا تقريبا مع المقصات دي موجوده جاهزة ولا لازم تتفصل؟
سؤال أخير
كربراتير التمبرا هو الشاهين بالضبط .. اقصد في مقاس الفتحات الداخلية - مش انه يركب مكانه ولا لأ - ولا في اختلاف؟؟
و جزاك الله خيرا