[حازم فخرى]

ألف مبروك يا هبه على اللانوس

إختيار سليم

أنا كان عندي لانوس موديل 99 فول أوبشن أوتوماتيك

وهي عربية ممتازة ربنا يحرصهالك

أنا عارف إن كان عندك كيا سيفيا وتعبتك .. يا ترى فيه فرق بين العربيتين ولا تقريبا شبه بعض ؟

وعندي نصيحة عامة بخصوص السيارة ..

لا تنسي الإطمئنان على المياة قبل التحرك بالسيارة وقبل إدارة المحرك وإن كانت ناقصة .. شغلي المحرك أولا ثم زودي المياة حتى العلامة .. إنتي عارفة طبعا

وبالنسبة لزيت الفيتيس في اللانوس لا يوجد له مقاس لمعرفة مستوى الزيت
والسبيل الوحيد لمعرفة مستوى الزيت أن تذهبي عند ميكانيكي ويفتح الطبة الخاصة بزيت الفيتيس من تحت الموتور ويزود شوية زيت لو جابت زيت من تحت يبقى مليان لو ما نزلتش تبقى عايزة تاني ويفضل يزود حتى ينزل زيت من تحت ساعتها يكون إمتلاأ .

ويفضل تضعي زيت باور ESSO هو غالي شوية بس أفضل بكثير من الرخيص

وأي حاجة في العربية لا قدر الله .. يمكن تسأليني .. لأني خبرة فيها 6 سنوات

وربنا يكفيكي شرها ويبعد العين عنك

ودمتي بخير