انا جيـــــــت مين بينده عليا
اولا شكرا للثقه الغاليه من الاعضاء الكرام
مهندس سامح و دكتور اولد
انا بعد اذن دكتور ولد مان حقتبس جزء من ردي عليه
في الرساله الخاصه اللي لسه باعتهاله لتعم الفائده
و علشان ما اكتبش كل الكلام اللي دوشتك بيه تانيptmnlo123per1106
الياريس كعربيه في المجمل معقوله جدا
يعني واسعه من جوه و شكلها شيك من بره و برستيج و عمرها ما حتنتشر لدرجه تخليك تشوفها شغاله تاكسي او يبقي شكلها بيئه زي
الفيرنا مثلا و دا في حد ذاته ميزه ان عربيتك دايما تبقي مميزه
موتور بتاعها تحفه و مالوش اعطال و انا مجربه في الكورولا اللي كانت معايا في الامارات موديل 2005 و هنا في مصر في كورولا 2004 و اقدر اقولك انه من افضل المواتير بتاع تويوتا
سحب كويس جدا و استهلاك بنزين قليل (عملت مره معايا لحد 350 في ال 20 لتر) بس طبعا جوه البلد الاستهلاك لا يتعدي 230 الي 250 كيلو و لو مشغل التكييف بتاكل اكتر بشويه و لو حرقت فوق ال 3rbm
حتلاقيها بتاكل برضه زيها زي اي عربيه يعني باختصار السواقه الهاديه بتريح الموتور و بتقلل استهلاك البنزين.
الباور بتاع العربيه كهربا و مافيش اسهل من كده .
يعني نقدر نحدد مميزاتها باختصار في
شكل جذاب و موتور قوي و استهلاك بنزين معقول و تكييف قوي مش بيأثر علي السحب. و كماليات عاديه باستثناء الباور الكهربا اللي بعتبره تحفه فعلا.
واسعه جدا من جوه و مافيش مقب خلفي زي الكورولا و لذلك بتاخد تلات افراد ورا و قاعدين مرتاحين جدااااااااااا
...
نيجي للعيوب بقي
العربيه ثباتها علي الطرق ضعيف بعد ال 130 او ال140!!!
يعني تمشي بيها 120 مثلا و قافل الزجاج و التكييف شغال ولا تحس باي حاجه
لما تزود شويه حتحس ان الثبات بيبتدي يقل و حل الموضوع دا ان الكاوتش بيتغير بكاوتش اعرض و بيهبطها شويه و حيزود ثباتها لان العربيه عاليه اوي.
و اكصدامتها ضعيفه يعني لو خبطط فيك عربيه من ورا مش حيحصل حاجه حتي لو عربيه نص نقل(حصلت معايا شخصيا) حتلاقيها كويسه
يدوب الاكصدام حيدخل لجوه و يطلع بالميه السخنه و كده
لكن لو خبط في خرسانه سواء قدام او ورا (رصيف مثلا قاعده عامود)
الاكصدام حيتشرخ في ساعتها .
دول النقطتين اللي بيضايقوني من العربيه.
العربيه انا كنت جايبها هاف اوبشن ب 83 الف اول 2008
انهارده الموديل بتاعي دا ب 89 الف !!!!!
زياده كبيره و لو انا بشتري اليومين دول بصراحه
و حدفع 90 الف في عربيه
حشتري الفيات جراند بونتو مثلا ب 90 الف وفول اوبشن مش هاف
او لو عاوز سيدان حجيب الفيات لينيا برضه ب 95 الف
فعلا العربيه تستاهل التمن دا.روح حضرتك اي صاله عرض و اتفرج علي الجراند بونتو و اللينيا و الياريس او الكورولا و حضرتك تعرف
قصدي ايه
!!!
لو حجيب ب 100 الف ممكن افكر في السيراتو اهي برضه عربيه كويسه.
طبعا بالنسبه للفولكس ف دي ما تحطهاش في اعتبارك نهائي زي ما المهندس سامح قال كده