[atef_5005]

المشاركة الأصلية كتبت بواسطة simsim_scorpion بسم الله الرحمن الرحيم في البداية تحياتي لكل اعضاء ومشرفي المنتدي اما بخصوص موضوع الشراء فكلكم اكيد عارفين اللي اي واحد بيمر بيه لما يفكر يشتري سيارة مستعملة وخصوصا لو كان معندوش اي خبرة في الموضوع ده زي كده ،كل ما استقر علي عربية معينة وابتدي اسأل عنها الاقي ان العربية كلها عيوب علشان كده فكرت اعمل الموضوع ده واستفيد من خبرة الاعضاء في تحديد العربية المناسبة لامكانياتي ومتطلباتي * الميزانية : 30.000 الي 35.000 كحد اقصي . * سعة المحرك : من 1000 CC الي 1500 CC * الكماليات : تكييف ، باور ، زجاج كهرباء . * استعمالي للسيارة هيكون مشوار يومي لايتعدي 80 كم ذهاب وعودة ( حوالي 70 كم منهم علي طريق سريع ) . * عايز عربية جراية وثابتة علي الارض وموضوع الثبات ده مهم جدا بالنسبالي ، سهولة الصيانة ، توافر قطع الغيار وبالنسبة لسعر قطع الغيار مش هيفرق لو كانت غالية بشرط تكون متوفرة ومعمرة بالاضافة للكماليات اللي ذكرتها اما بالنسبة للشكل يفضل انه يكون شبابي سواء كان نمط السيارة سيدان او هاتشباك . بالمناسبة ياريت تكون اراء الاعضاء بعيد عن الهيونداي اكسيل لاني مش حببها خالص . اسف للاطالة وفي انتظار ارائكم تحياتي للجميع

اولا : الخواجه الي اخترع هيونداي ماكنش عنده اي فكره عن الثبات و بتالي هي لا تصلح غلي الطرق السريعه
ثانيا : لو يهمك الثبات يبقي خليك في الالماني
الاختيار الاول : سيات ابيزا 94 و دي ثابته جدا علب الطريق و عيبها نادر اوي لما تلاقي واحده نظيفه (ممكن تشتري واحده و تسقطلها موتور و عفشه)
الاختيار الثاني : فولكس بولو 99 و دي سياره ممتازه و في منها حالات نظيفه
الاختيار الثالث : سكودا فابيا 2001 و دي قطع غيارها غاليه اوي بس معمره