[ahmed1981]

المشاركة الأصلية كتبت بواسطة د.كمال عاجبك موضوع السلفيين إللى كانوا مستخبيين فى جلدهم من امن الدوله فى النظام السابق دلوقتى بيقيموا الحد على الناس فى الشوارع.

المشكلة إن تأثير الإعلام الموجه قوي لدرجة إختراق عقول العقلاء ليصدقوا الأكاذيب
وكل ما حدث من هوجة عن السلفيين طلع أكاذيب

حتى الخبر الذي نشر في صفحة كاملة في أهرام الجمعة عن إقامة حد قطع الأذن على مسيحي بقنا طلع كذب

وطلع ذلك الشخص المسيحي فاتح شقته دعارة والجيران ضربوه علقة تمام التمام وودنه إتجرحت

المهم الإعلام له أهداف أخرى يقبض مقابلها أموال

المشاركة الأصلية كتبت بواسطة د.كمال عاجبك أهالى قنا يرفضوا قرار حكومه الثوره بتعيين محافظ مسيحى ويقطعوا الطرق والسكه الحديد وعايزين يعملو ثوره ضد الحكومه على الرغم انهم كان معاهم محافظ سابق مسيحى ومحدش سمع صوتهم فى عهد النظام السابق .

عشان الحكومة تتعلم إن إختيار المحافظين أمر شديد الدقة ولا يكون بجرة قلم في غرفة مغلقة

المشاركة الأصلية كتبت بواسطة د.كمال عاجبك بدو سيناء يقطعوا الطريق الدولى بشرم الشيخ وطريق منفذ العوجه الدولى مطالبين الحكومه ان تفرج عن ابناءهم المحكوم عليهم فى قضايا مخدرات .

بعد ثلاثين سنة من إهمال مبارك لتنمية سيناء
وتحويل مصدر رزقها الوحيد لتجارة المخدرات والسلاح لمدة 30 سنة
هل العلاج سيكون في يوم وليلة

قريبي كان شغال في مستشفى قريبة من رمانة
قريب منه ترعة السلام

كان بيقول لي أغرب منظر في العالم وفي التاريخ
أن ترى ترعة بحجم نهر صغير تسير في الصحراء
وعن يمينها مد البصر من الصحراء الصفراء القاحلة وعن شمالها كذلك
ويطلع وزير التموين يقول هنأجر أراضي في كندا وأفغانستان نزرع فيها

حسبي الله ونعم الوكيل على مبارك وعصابته وعائلته وكل من شاركه تدمير هذا الوطن

المشاركة الأصلية كتبت بواسطة د.كمال عاجبك مظاهرات سائقى سيارات تاكسى الاجره (مشروع التاكسى الجديد ) امام وزاره الماليه مهددين الوزير بأعفاءهم من باقى الاقساط على الرغم من إعفاء الوزير لهم اقساط شهر فبراير ومارس نظرا لظروف الثوره إلا انهم يهددون بالأعفاء النهائى من باقى الاقساط ....هما كانوا هيقدروا يعملوا كده مع بطرس غالى .

الدلع الكتير يعلم السرقة

ناس اخدوا سيارات ببلاش تقريباً بالتقسيط
وزمايلهم أصحاب التاكسي الأسود حالهم بقى واقف بعد ما الناس بطلت تركب إلا الأبيض

حتى اللي عنده تاكسي أسود كورولا أو لانسر محافظ القاهرة السابق عليه من الله ما يستحق كان مانعهم يركبوا عداد زي التاكسي الأبيض

خدوا على الدلع

وقدامهم فرصة في الهوجة دي يسرقوا كمان شوية من البلد
يسيبوه ليه طالما سهلة وبتجيب فلوس

لكن بالقانون يتربوا لكن هياخدوا وقت

الحقيقة البلد في فوضى هتاخد وقت
وتلاقي طالع شوية همج يهجموا على سفارة إسرائيل
وشوية ويطلع واحد يحدد معاد الثورة الثانية

وفي ناس كانت قبل الثورة شغالة والآن بتشحت وتستلف

إدوهم فرصة يقوا على رجليهم
مفيش فايدة

أنا معاك يا باشا إننا شعب إتربى على الهمجية من ستين سنة
بعد الإنقلاب على الملك الله يرحمه

أكيد الشعب هيحتاج عشر سنين ولا حاجة عشان يتربى على دولة النظام والقانون
بعد زوال دولة الهمجية والبلطجة بلا قانون

-