[عبدالله منصور]

بصراحة

حكومة شرف حكومة بطيئة ولاتصلح لإدارة البلاد فى الوضع الراهن الذى يصارع اشياء كثيرة اهمها ضياع مطالب الثورة والانفلات الامنى الرهيب فى الشارع المصرى

يعنى ايه وزير داخلية عنده حاجة وسبعين سنة وكان بعيد عن الداخلية بقاله فوق ال 14 سنة

لازم يبقى فى حجات اسرع من كدا

4 شهور على الثورة وايه اللى اتعمل ؟

4 شهور تحقيقات ؟؟ ماكل حاجة واضحة زى الشمس والمستندات معاكم والناس كمان بتقدم مستندات اكتر واكتر طيب عاوزين ايه يعنى ؟

بكرة نسمع ان الرجالة كلهم طلعوا بكفالة ماهى بقت مسخرة

وفعلاًً يادكتور محمد كدا مفيش تنسيق وكل واحد بيرمى الكورة فى ملعب التانى

ما الناس اللى افرج عنها دى كلها معظمهم تهمتهم غسيل اموال وتضخم ثروات لما يفرجوا عنهم عشان اتنازلوا عن شوية فلوس تبقى قلة ادب

طيب ماتقولوا الاول هما عندهم اجمالى كام , ومن حقهم كام واتنازلوا عن كام
وبعدين فين الضريبة على الفلوس دى ,, اقول ايه بس لو كان حد تابع حلقة عمرو اديب بتاع انبارح ,,الثلاثاء,, كان فهم كلامى

لو هوصف حال مصر فى كلمات من رأيى الشخصى :

حكومة بطيئة لاتتناسب مع الوضع الراهن
انفلات امنى لانعلم الى اين يذهب بنا فأصبحنا نخشى نزول الشوارع مترجلين او راكبين فالكل يتعرض للخطر
ضياع مطالب الثورة
القوات المسلحة والحكومة الحالية علامة استفهام
هل المشير طنطاوى الرجل الاول لمبارك سيتعاطف معه ويمهدون لعدم محاكمته
تقارير تقول ان مبارك سيقضى بقية عمره فى مستشفى شرم الشيخ (( يعنى قعدة 5 نجوم ))
فى النهاية

ربنا يستر على البلد ,,,