رد: عشاق الكريستالة
صباح الفل عليك يا باشا وعلى كل عشاق هذه السياره المحبوبه جدا اللى انا بعتبرها من افضل ما انتجت ميتسوبيشى على الاطلاق
بالنسبه لل1600 الله اعلم هو كان بينزل منها ولا لا بس نادرا اما بشوف 1600 وجايز تكون متسقطه
ال1300 طول عمرها زى الفل مع التكيف والاتوماتيك بس من ساعه مانزلت ال1600 فى موديل البومه وبرضه لانتشار وتعدد انواع السيارات والمحركات وسيطره محرك ال1600 على السوق فبدا ينظر لل1300 انه بطىء وعلى قده وطبعا ده موضوع نسبى وبيفرق من شخص لاخر يعنى واحد بيحب يشد وسرعات وكده اكيد ال1300 هيخنقه اما مثلا انا مابحبش الشد والجرى الاوفر فى العادى يعنى فاكيد ال1300 هيكون احسن ده غير انه موفر فى استهلاك البنزين
طبعا افضل من السيفيا وخصوصا لما نتكلم عن الاتوماتيك يبقى اصلا مافيش مقارنه بين فتيس يابانى وفتيس كورى اتوماتيك وكمان مش كورى حديث زى الالنترا او السيراتو الجديده لا ده قديم شويه وزيه زى النوبيرا واللانوس بيبوظ بسرعه ومش بيستحمل زى اليابانى
|