المشاركة الأصلية كتبت بواسطة nomore
شكرا اوي محمود.. كنت فاكر ان مفيش اي حد سمع عن العربيه دي 
بس المشكله فعلا ان النوع ده مش منتشر في مصر خالص .. اللي موجود ال ax وال zx.
بس المشكله في قطع غيارها اذا متوفره في مصر ولا لأ.. علشان كده يا ريت احد حد عنده خبره في قطع غيار السيتروين يفيدنا في الموضوع ده |
بص يا BOSS
العربية دى فعلا زى ماقال احد الافاضل بداية انتاج شركتى بيجو وستروين وحسب المعلومات ان امكاناياتها جبارة زى ما قال الاخ الفلسطينى الحبيب mahmoudfs وخصوصا ان شوارع مصر شبه جبلية وهتغنيك عن فكرة انك تدور على ثبات (على السرعة العالية والطرق المفتوحة) وهتوفرلك ارتفاع كويس ومرونة مع المطبات الكتير عندنا
للحق انا ما شوفتهاش بس سمعت عنها والفيديو اللى حضرتك نزلة بيبين امكانية ارتفاع وانخفاض العربية لانها بنظم هيدروليك زى ماحضرتك عارف
ده فى كمان موديل ستروين اسمة xantia برضه بنظام هيدروليك شوفته عند الحاج فرج وابنه قالى ان العربية دى ممتازة اللى هى الاكسانتيا وانا دخلت قعدت فيها من جوه اجرب الاحساس وهى واقفه تحس انك راكب طيارة من كتر الزراير والوسع
اما بقى الـ BX نفسها انا ما شوفتهاش عشان كده انصحك تتأكد من حالتها الاساسية وخصوصا بقى نظام العفشة الهيدروليك وتعرف حالتها ايه لان ده النظام اللى مبنية علية من ناحية بقى الكهرياء والصاج والميكانيكا مافتكرش فى مشكلة وخصوصا ان الموتور زى مابتقول بيجو 405 يعنى سهل الصيانة واعرف برضه عند الحاج فرج وغيرة مدى توافر قطع غيارها عشان ماتدوخش نفسك
والعربية شكلها كده داخلة دماغك وعجباك من امكانياتها اللى اكبر من سعرها لكن خلى بالك لازم تعرف انك هتتعب مع اى عربية مستعملة وخصوصا قليلة الانتشار فا لازم تطول بالك وتحب حاجتك وتديها عشان هى تحبك وتديك
اسأل على الصيانة وقطع الغيار وإستخير ربنا وتوكل ومش هتاخد اكتر من نصيبك اللى ربنا كتبهولك
وتمنياتى بالتوفيق