[NicEgypt]

السلام عليكم ورحمة الله
سيارتى الريجاتا المصروف عليها بضمير ! اجمالى المصروف عليها 16 الف ج مجنون . بمواصفاتى الخاصة
جدا .. وبالقلم والورقة وحسب ما خططت لها .

المواصفات :
4 زجاج كهربا
سنتر لوك
جهاز انذار
حساسات ركن
حساس مطر
حساس تيل فرامل .. واشياء اخري
فتح الشنطة من الريموت
ريموت كنترول طبعا
اضاءة داخل الشنطة " فبريكة ف الريجاتا " لما تفتح الشنطة تنور .. تقفل الشنطة تطفي .. ودى فبريكة
4 جنوط اسبور فضي
كاوتش يابانى
سخان اتوماتيكي
ساعة رقمية ديجتال " بتاعة الفبريكة "
مبين درجة حرارة الخارجية " ديجتال "
وحدة رفع واحدة " مؤقتا "
اضاءة بيضاء ف الشنطة والصالون + لمبة للقراءة للكرسى الامامى " بتاع الفبريكة "
موتور + كربراتير كهربا
تـربو " لسة مركبتوش ولا جربتة "
عفشة رياضية كاملة .. + تيل وطنابير تويوتا + ومساعدين المانى ماركة مايلي " ثبات رائع ومقبول بسم الله ما شاء الله "
تمشى فوق مكسر وتحس بنعومة وسلامة عكس العفشة العادية + بالاضافة انة تم عمل تعديلات رفع اداء الموتور والسرعة .

لون ازرق غامق مـيتاليك " كحلي ميتاليك " + العربية كلها لون واحد مية واحدة .. ودة كان تخيلي وتصوري ليها
واللون ضربتة على الكمبيوتر عندى بعد ما حطيت صورة العربية وجربت الوان كتير عليها لحد موصلت للون دة
واخدت الكود بتاعة ورحت لبتاع الدوكو .

مش فاكر اية تانى !! حد يفكرنى .. عموما الصور تتكلم لحد ما افتكر
الفرش الداخلي :
طبعا عوازل كاملة للسيارة بكاملة عن طريق " لباد حراري اتخن سمك للسيارة بكاملها من الداخل + بلك فرش من الداخل
+ مادة عازلة " فبريكة " اشبة بالاسنفج اللى بيجي من الفبريكة تم عزل السيارة بكاملها من الاسفل للوقاية من الصدأ

سقف شامواة
تم تفصيل بحسب مواصفاتى الخاصة خلفيات جلد + قطيفة من الامام مقلمة بلون قلم ازرق وهو لون السيارة
والقطيفة معروف انة غالى شوية ف القماش بتاعة ومريح
ارضية جلد للسيارة كاملة وللشنطة بتخانة غليظة لمنع اي سخونة وعدم سماع صوت الموتور
موكيت اسود للرف الخلفي
ستارة خلفية بضغط الهواء " قرب هواء "

طبعا فية تعديلات ف الميكانيكا وحاجات كدة كتييييييير مش فكرها حاليا ." هبقى اكتبها ف تقرير بأذن الله اول ملاقي وقت "
. وفية تعديلات مستقبلية زى اكصدام رياضي مشابة للانسر البومة " حياتى انا عربيتى اللى قبلها " وزى 2 شكمان + شبكة رياضية .. هترك سيادتكم مع الصور وقولو رأيكم واقتراحاتكم

الصورة دى قبل ما ارش الجنوط واكتب عليها بالابيض .. وقبل الترخيص الجديد " قول ف سرك بالله عليك بسم الله ما شاء الله تبارك الله "













فى انتظار اقتراحاتكم وارائكم .. وان شاء الله فى التقرير القادم هقول باقى المواصفات الخاصة بالسيارة لان فية
حاجات نسيتها لكنها مكتوبة فى اجندة خاصة بيها .