[asho]

المشاركة الأصلية كتبت بواسطة corsair اولا اهلا بيك معانا يا استاذ عبد الظاهر وبالنسبة لموضوع البنزين للفيرنا سعة التنك 45 لتر بالتمام والكمال لمبة البنزين بتنور والعربية بيكون فيها 10 لتر تقدر تمشي بيها كحد اقصي 100 كيلو في طريق مفتوح و 50 كيلو في الزحمه بالنسبة لاستهلاك البنزين ده له عوامل كتير جدا حمولتك قد ايه الطريق عامل ازاي زحمة ولا مفتوح كويس ممهد انك تمشي عليه والعربية مستريحة ولا مليان مطبات وحفر وهل مشغل التكييف ولا قفله فاتح الزجاج ولا قافله الطريق فيه مطالع كتير ولا مستوي عمتا انا عن نفسي جيت من اسكندرية للقاهره وكان معايا 3 في العربية غيري طبعا يعني كلنا 4 افراد وواخد الطريق الصحراوي وشغلت التكييف لمسافة 40 كيلو من بداية المحور لحد البيت عندي العربية عملت معايا بالظبط 303 كيلو في 13 لتر بنزين واي استفسار تاني اخوك احمد في الخدمة وتقبل تحياتي

بصراحة صعب جدا اللى انت بتقوله دا يا ا / احمد يعنى حضرتك عايز تفهمنا انك بتستهلك حوالى 4 لتر بنزين لكل حوالى 100 كيلومتر وانت مركب معاك فى العربية تلاته غيرك وكمان شغلت التكييف 40 كيلو ...بصراحة ومن غير زعل ...اشك!!!!!!!