[كنتوش]

السلام عليكم ورحمة الله وبركاته
انا غيرت جوان وش السلندر وبعدين لقيت الزيت طحينة برضه الميكانيكى قاللى ده علشان ما قرصناش على الرباط وقرص عليه وغيرنا زيت وفلتر وبعدها لقيت الميه بتنقص والزيت بيزيد وطحينه تانى الميكانيكى قاللى كده الوش عاوز يتقشط ونغير الجوان تانى فقولت هروح لميكانيكى تانى ومشيت مشوار حوالى 70 كيلو وقبل ما امشى تممت على الزيت والميه لقيت الميه ناقصه والزيت مطحن على الاخر ولونه ابيض
وكانت المفاجئه بعد المشوار انى لقيت الزيت لونه رجع طبيعى تانى والميه ما نقصتش الا المعدل الطبيعى قولت العفاريت صلحوا العربيه ههههههه
سالت ميكانيكى قاللى دى طبه من الطبب بتاعة الميه عاوزه تتغير والزيت رجع عادى لما سخن بخر الميه بتاعته طيب مش الطبه دى لو بتسرب هتفضل تسرب ولا هى بتمنع فى المشاوير ولا بمزاجها ولا ايه حد يفيدنى علشان مش عاوز حد يلعبلى فى المكنه الله يكرمكوا واسف على الاطاله وشكرا