محتار وعايز استشارتكم ضروري جدا
شباب انا معايا لانسر 91 (عيون صفية)
العربية مشاء الله كويسة جدا والحمد لله
حالة الموتور ممتازة في السحب وحالة عامه
انا كاسر بيها عداد 100 الف ولسه بالكتالوجات بالنسبة لمصاريفها تكاد تكون صفر اعطلها مفيش خالص غير السيرفيس الدوري بتعها وانا الحمد لله محافظ عليها جدا
هي موفرة جدا في البنزين لدرجة ممتازة
بس هي عايزا شوية مصاريف
يعني عايزه ترش وعايزه جنوط وفانوس خلفي لاني مش لاقي وش ليه وعايزة تقريبا علبة دركسيون لانها بتخبط وانا عارف انها لما بتتصلح بترجع تاني وقواعد موتور
انا اسف اني طولت عليكم بس انا كان لازم
انا محتاج رايكم في
هل اقوم بتجديدها واصرف عليها ام المصاريف دي ممكن اكمل واغير بسيارة اخري
وتنصحوني بايه
في حدود عشرة الاف علي ثمن السيارة
وشكرا لكم جميعا
|