شكرا لكل المشاركين فى الموضوع وانا فى الحقيقة كنت عايز اعملة بشكل بحث مبوب عن المسالة القبطية وما ينتج عنها من فتن واحداث كمحاولة لفهم الاخر واقامة جسور التواصل الفكرى والثقافى بين كل التيارات مع التاكيد على نبذ التطرف والخروج على الدولة والعدالة من اى طرف ايا كانت ديانتة
ومن واقع تسارع الاحداث الطائفيه والخاصة بطائفة الاقباط الارثوذكس تحديدا واللى اعرفها كويس وفى الطرف الاخر السلفيين اللى اعرفهم كويس برضو لقيت من الواجب توضيح نسيج التيارات المتطرفه فى الجانبين والتاكيد على الدور القبطى الخطير فى التصعيد
ماذا تريد ان تقول؟
المسيحيين المصريين متعصبين؟
|
لاء طبعا مش ده اللى كتبته انا اكدت فى كل سطر وفى كل سياق ان المشكلة خاصة بالاقباط الارثوذكس فقط والمتعصبين منهم وطبعا ديه دائرة اخص واضيق بكتير من المسيحيين المصريين كلهم
وحتى الطائفه ديه تحديدا مش الغالبية متطرفة او تميل للعنف ولو كان الاغلبية ميالة للعنف مكانش زمانا بنتكلم دلوقتى وكان زمان البلد خربت من بدرى
لكن مش معنى كده برضو اننا نقلل من خطر المتعصبين من اى فريق او نلوم على طرف واحد والمفروض كلنا نكون ايد واحدة ضد التطرف والعنف والتكفير والعنصرية والطائفيه من اى تيار سياسى او دينى
واعتقد اكتر من 30 سنة من التوتر والاحداث سبب كافى لبحث الموضوع وفتح حوار مجتمعى يتسم بالصراحة والموضعية من كل الاطراف للوقوف على مكامن الخلل والاختلاف
وتعليقاً على ردك على سؤالى
لماذا تنحصر احداث الفتنه الطائفيه فى الاقباط الاثوذكس فقط ؟؟؟
|
لأنهم الأكثر عددا, و الأكثر فقرا أيضا, الطوائف الاخرى كبيرة العدد, و معظمهم من الأثرياء أو من الطبقة فوق المتوسطة و يعيشون فى مناطق راقية بعيدة عن مناطق التوتر الطائفى.
|
كل طائفة فيها الفقراء وميسورى الحال والفقر ليس بالضرورة دافع للتطرف وانا مش بقول ان الحالة الاقتصادية غير مؤثرة بالعكس ليها تاثير كبير على الكنسية وعلى شعبها وعلى البلد كلها لكن الاخطر ان التعصب يقود حالة العوز والفقر للتاثير على الناس وتوجيههم سياسياً كما هو حاصل مع الكنسية الارثوذكسية
وبالتالى فالمشكلة ليست فى الفقر بقدر ما هى خطورة استغلال الفقر والدين لتحقيق مكاسب سياسية
نيجى للنقطة التانية
ولماذا الاصرار على كلمة اقباط ... ليه مش بيسمو نفسهم المصريين المسيحيين او المصريين الاثوذكس مثلاً ؟؟؟
|
لا يسمون أنفسهم, هذا هو الاسم الشائع, و لا يعنى أكثر من "المسيحيين اللى فى مصر" و يطلق فى الاعلام المرئى و المسموع,
|
اختلف معاك فى النقطة ديه او يمكن انت مش متابع كويس بص حواليك هتلاقى كلمة الاقباط بقت مرادف لعرق والاثنيه القبطية الارثوذكسية ومشاكلها
لكن الشائع ان يطلق عليهم مسيحيين او نصارى اما كلمة قبطى فتستخدم للدلالة العنصرية والعرقيه وهتلاقى المراجع والمواقع كتير تؤكد ما ذكرته
و القبطى الذى يقول غير ذلك هو عنصرى و متعصب و جاهل بالتاريخ,
و انا معاك انه الأصح ان نقول المسيحيين المصريين لا الأقباط.
|
الله يفتح عليك
انت كده فتحت فتوحة!!
الكنيسة القبطية الأرثوذوكسية معتزة بعقيدتها المسيحية الأصيلة, و لا تقبل املاءات من أى كنائس غربية, و اذا كان هناك بعض التعنت فى التعامل مع الكنائس الاخرى فهذا يرجع الى وقائع تاريخية
|
هى الفاتوحة ديه يا هندسة بقى المشكلة
الكنيسة الارثوذكسية من حقها تعتبر نفسها صخرة الايمان ودرع العقيدة الاصيل لكن ده الاختلافات وصلت للكنائس الشرقيه كمان مش الغربية بس ومش بس كده ده مع الكنائس المصرية الارثوذكسية الاخرى
كده مش موضوع كنائس غربية او كنائس ملوثة بالدم
وكده مش احبو اعدائكم وباركو لاعنيكم
فين مشاريع وحدة الكنائس والمجالس الموحدة
انت شايف ان انفصال الكنسية القبطية الارثوذكسية عن كنائس الغرب والشرق واثيوبيا كل ده طبيعى
والتوسع فى بناء كنائس فى الغرب فى المقابل يتمشى مع المشاكل الاقتصادية اللى بتواجه مجلس الكنائس الشرقيه عموماً
مش معقول كل الروم والسريان والحبشة فى ظرف ال30 سنة دول برضو ينفصلو عن الكنيسة القبطية الارثوذكسية بلا سبب
الى هنا و أعذرنى عن استكمال النقاش أنا فقط أوضح بعض الحقائق و لست مستعدا للتعليق مرة أخرى على موضوع طائفى نحن فى غنى عنه الأن.
|
بالعكس الموضوع انا اتمنى انه يفضل بشكل بحث موضوعى والمداخلات تبقى لتوضيح الحقائق المجردة قدر المستطاع
ولو خرجنا كلنا بحقائق مؤكدة ومتفق عليها هنوصل اكيد لقناعة واضحة ويمكن توصيات بحلول للمشكلة