[الكشفى]

المشاركة الأصلية كتبت بواسطة Komy بص يا باشا زمان كنت بشوف الطرق فى المنعطفات القاسية وغير القاسية إن الطريق بيميل , بمعنى لو إن حضرتك داخل على ملف شمال جامد بتلاقى إن الطريق من اليمين اعلى من الشمال وده بيتهيألى كان معمول عشان يحفظ توازن العربية فى حالة إن حضرتك داخل المنعطف بسرعة عالية , دلوقتى مفيش الكلام ده , يا ريت تنفذوه. بالإضافة لكل مطالب الزملاء أعلاه وبالذات المطبات يا ريت تتلغى او يتم تنظيم ودراسة إنشائها.

طبعا بلا شك لازم الطرق الصحرواية يكون فيها ميول للمنحنيات علشان ما يسمى بحفظ التوازن لكن طرق المدينة لما بيجبرونا نحسب بنحسب على السرعات اللى بتجيلنا من المرور مجالس المدن والمحافظات فبعا مش بأيدى لكن هراعيها

المشاركة الأصلية كتبت بواسطة tamem اصعب حاجة ممكن تشوفها فى حياتك ان يكون الطريق ضيق وعلى جانبيه منازل او ترعة يعنى عمر الحكومة متعرف توسعه خصوصا لو مزدحم

بس دة بيتوقف على طبيعة الطريق ممكن تكون متربة ترعة ( يعنى الطريق بتاع الترعة لكن مهم وهو ضيق والاهالى مش راضية تتبرع فنبقى مضطرين لرصفة زى ما هو

المشاركة الأصلية كتبت بواسطة momen_bondok اختصاراً للكلام نفسى أشوف طريق يصلح لسير الأفراد أولا ثم السيارات الواحد بيمشى بالسيارة بيشعر كانة ماشى فى ملاهى من كثرة المطبات والحفر جزاك الله خيراً على الموضوع

راجع كلامى عن المحليات وانت تعرف ان المطبات عبارة عن موافقات من المحافظين

المشاركة الأصلية كتبت بواسطة abo yasmen نفسي يكون الطرق وسعة ونظيفة وتكون الشركات تعمل عليها صيانة ويكون في ضمير

يارب وانا كمان نفسى يكون عندنا وعى بأهمية الطريق

المشاركة الأصلية كتبت بواسطة حسام البورسعيدى جزاك الله خيرا بجد .. بس حضرتك تقصد طرق جوا المدينة ولا طرق سفر ؟؟؟ لو طرق جوه المدينة نفسى يكون فى حل للبلاعات اللى فى وسط الطريق دى ... بدل ما الواحد يقعد يموج بالعربية وهو ماشى علشان يفاديها .. يعنى تتعمل بطرقة مناسبة بحيث تكون مساوية تماما للطريق ... وكمان نفسى لما يحصل حفر فى الارض لاى سبب يتردم باقصى سرعة .. ويتسفلت تانى بطريقة كويسة بحيث الحفرة متتحولش لمطب زى ما بنشوف ... نفسى الاشارات ترجع تانى لان عندى فى بورسعيد معظم الاشارات والتقاطعات اتلغت واتعمل مكانها ملفات يو تيرن .. ودى حاجة سخيفة قوى وتخلى الواحد يقعد يلف حولين نفسه .. خصوصا فى الزحمة .... وطبعا انا مش محتاج اقول ان لازم جوده الرصف تتحسن كتير عن كده وان لازم الناس المسئولة عن الرصف تراعى ضميرها شوية فى التنفيذ ... وربنا يكون فى العون يا باشا

ربنا يكرمك يارب ولكن مشكلتنا مع اشراف المحليات على الطرق لكن لو الطرق اتحولت للهيئة العامة للطرق والكباى والمحليات عرفت انهم لو منضفوش كويس هياخدوا محاضر وهيتعملهم غرامات اكيد هتبقى احسن وياريت تطالبوا ان جميع الطرق تتحول لاشراف الهيئة العامة للطرق