[محمد بدوى]

اخى العزيز: تحية طيبة وبعد
انا اكتر واحد حاسس بيك لانى مريت تقريبا بنفس التجربة وعايز اقولك ان البنت الى كنت مرتبط تعبت معايا جداجدا ووقفت قصاد الدنيا كلها علشانى والحمد لله اتجوزنا وعندنا احمد الصغير ( 9 شهور)
عايز اقولك انى اتبهدلت بهدلة مش ممكن حد يتصورها بس كان عندى حاجات مهمة كنت حاططها قصاد عينى هى:
1 - الايمان بالله لاقصى حد والشكر على كل شيئ الضراء قبل السراء.
2 - كنت حاطط مراتى هدف قدامى والحمد لله حققت الهدف دة .
3 - مكنتش مستعيب اى شغلانة المهم انها حلال ومكنتش مستنى السماء تمطر ذهبا ولا الارض تطلع فضة .
المهم من غير ما اطول عليك تشجع ولو اتقفل باب رزق تاكد من ان الله عز وجل فتحلك باب ثانى بس انت مش شايفة
دور وحاول وربنا يوفقك ولو البنت الى انت مرتبط بيها بتحبك فعلا هتستناك وتشجعك
كان نفسى احكيلك انا تعبت اد ايه انا ومراتى بس مش عاوز اطول عليك كفاية اقولك ان مراتى قعدت مستنيانى ( اهلها عارفين طبعا ) 3 سنوات + 3 خطوبة تخيل بقة
شد حيلك ومتياسش ابد وربنا معاك
اخوك محاسب / محمد احمد البدوى