موضوع الزيوت ده يا وائل صعب ناخد قرار حاسم فيه .. لان العملية فى الاول او الاخر اذواق !!
يعنى مثلا فى ناس بتحب تشرب شاى تقيل وناس تانية بتشربه خفيف .. وناس بتحط 3 معالق سكر وناس بتشربه ساده ...
زيوت الموتور نفس الوضع .. على حسب الزيت اللى يناسب الموتور
من وجهة نظرك انت مش حد تانى .. بمعنى اصح على حسب الزيت اللى يريحك ..
عموما زيت شل الاصفر كويس واعتقد بيتغير كل 3000 كيلو .. ويستحسن فى الصيف تستعمل زيوت مدتها قليلة .. يعنى مش اكتر من 5000 كيلو ...
على فكره انا احيانا فى الصيف بحط زيت "كالتكس" الرمادى عندى فى الافانتى وبستريح جدا ليه بس بغيره كل 1000 .. وسعره 45 جنية .. وبعض الاحيان بحط موبيل ابيض بس مش حلو فى الحر معايا ...
وتحول الزيت للاسود ده مينفعش نقيسه لانه بيعتمد على ظروف السواقة وحالة الموتور ...
خلى بالك لان ظبط التاكيهات ده مش لعبة .. ولو متعملش تمام هيتعبك جدا ..
فخلى بالك لانها عمليه دقيقة و المفروض تتعمل على اساس علمى وقيم معينة .. فخلى بالك كويس ..
لو الموتور صوته جرش شوية بس مش مبالغ فيه .. يبقى بلاش لعب فى التاكيهات احسن ..
وخلى بالك ان اصلا موتور الاكسيل معروف انه صوته عالى .. لانه من المواتير اللى على نظام تاكيهات قابلة للظبط مش نظام بلوف زيت او "كستبانات" زى العربيات الاحدث ....