المشاركة الأصلية كتبت بواسطة kashtoot
السلام عليكم ورحمة الله و بركاته
أنا يا جماعة معايا عربية بيجو 405 مو 91 و خدت فيها أكبر خ............... (أكمل مكان النقط) فى حياتى و كنت عايز أبيعها و أجيب جديد.
أنا كنت بفكر أجيب اللوجان أو اللانوس بس كلام الاخوة الاعضاء خلانى أميل ناحية اللوجان شوية
بس موضوع قطع الغيار ده قالقنى شوية و كمان فى ناس مش بتشكر فى التوكيل.
لأنى بصراحة كرهت السواقة جدا جدا بسبب العربية اللى معايا(ده أنا ببقى شايل الهم لو هخرج بالعربية و ساعات كتير بسيبها و أركب تاكسى لأنى خلاص شلت منها جامد جدا) و عايز أجيب حاجة تريحنى بجد
و جزاكم الله خيرا
|
اللوجان عربية فوق الممتازة سعر + امكانيات عربية من الاخر حدوته لكن
1- قطع الغيار قطم وسط
2- التوكيل مش صنايعية
عند حدوث اى اصابة للعربية هدوخ اقر موضوع الفار دخل المصيدة
انصحك هات اى عربية اى حد يعرف يشتغل فيها علشان تريح دماغك
انا كان معايا فرنا كنت بقول عليها عربية على ما تفرج متعبتنيش خالص اى حد يعرف يشتغل فيها اما الرينو ركوبة و حدوته بس اى مشكله هتخليك تروح للتوكيل فقط مش حد تانى و لو الشغل مش عاجبك هتحس ان الدنيا خربت و ملهاش حل
هات عربية شعبية
يا جماعة متتعشموش ان قطع الغيار هترخص العربية غليت و الدولار زاد قطع الغيار عمالة بتزيد مثال الفانوس الامامى كان ب 400 دلوقتى 650