[حسام البورسعيدى]

اولا اهلا وسهلا بيك فى "مصر موتورز" ...

ثانيا .. موضوع ان اخر عدادها 130 ده خاطئ تماما ..

الشيروكى 1993 عدادها اخره 200 على ما اعتقد .. وسرعتها القصوى ممكن توصل لـ 180 لو الموتور حالته كويسة ..

انا مش معرفش فى الشيروكى اوى بس على ما اعتقد ان موتورها الـ 2500 cc ده ديزل ...

عموما نصحيتى ليك بلاش الشيروكى لانها : استهلاكها للبنزين كبير اوى .. قطع غيارها غالية ومش اى حد بيفهم فى صيانتها .. وحجمها الكبير بيخليها غير عمليه فى الزحمة ...

انا ارشحلك الالنترا .. وخصوصا موديل 1996 و 1997 ..

وانا عندى "افانتى" 1997 (هى هى الالنترا 97 بس النسخة الكورى او الاستيراد يعنى) .. بس 1500 cc ...

والعربية الحمد لله ممتازة وواسعة و عالية الى حد ما وشيك .. وكمان صاجها قوى وقطع غيارها متوفره واسعارها معقولة جدا ....

فدى العربية اللى انصحك بيها ...


ومبروك مقدما يا باشا ...


منور المنتدى ...