طلب المشورة فى جيب شيروكى (لا تبخل)
السلام عليكم ورحمة الله وبركاته
حبيت اسأل اهل الخبرة عسى ان يوفقنا الله الى ما فيه الخير
اقوم الان بالبحث عن سيارة مناسبة لى يكون تمنها معقول ,ونظرا الى انى بدور على عربية ليا وانا فى بداية العشرينات فبدور على عريبة من الاخر تستحمل معايا علشان تغييرها هيبقى بعد فترة .
ونظرا انى بدور فى حدود مبلغ 45 الف فوجدت العربيات المتاحة فى المبلغ ده محدودة واستقر المفاضلة على تلات انواع وهم
1-جيب شيروكى1993 (2500 سى سى)
2-هيونداى النترا 1994-1997 (1600 سى سى )
3-بيجو 206 2001 (1100 سى سى )
انا الصراحة ميال اوى الى الجيب من حيث شكل العربية واسمع ان صاجها جامد اوى ونستحمل بس مش عارف بقى هل فعلا الموديلات قبل 97 مش حلوة وتانى حاجة لو حد من مالكى الموديل ده ياريت يقوللى هل فعلا اخر عددها 130 كم وهل ينفع تمشى على اخر العداد ولا زى اى عربية لازم ما تعديش تلات اربع السرعة القصوى علشان لو كده هتبقى افصى حاجة 90 كم يعنى بطئية اوى وبالنسبة الى موتور 2500 هل سحبه حلو ولا ايه ؟ واستهلاك البنزين مبالغ فيه ولا ممكن نستحمله عادى
ويا سلام لو احد ملاك العربية يرفع كام صورة لعربيته كده من كذا زاوية مختلفة علشان مفيش فرصة اتفرج على العربية ديه عن قرب وهل فعلا تمنها يتراوح ما بين 40 الى 45 الف وبالنسبة لضريبتها فى المرور دلوقتى كام فى السنة
وفى انتظار الردود وارجو ان تفيدونى وشكرا مقدما
|