[حسام البورسعيدى]

المشاركة الأصلية كتبت بواسطة DR-HEMA ربنا يكرمك يا حسام بس هى المشكلة فى ايه يا خويه حوار الاقساط بتاعت البنك ده رقم واحد يعني يعني هدفع على تمنها حوالى 30 الف زيادة ولانى فى الجديد و قع اختياري على الرينو اللوجان انا مبعرفش اسوق و لسه جديد يعني خايف اجيب جديد ادمره اما ثالثا فمشكلة ان الاسعار عليت فجأة و الناس بتقول ان الاسعار هتنزل تانى جامد المرادى فبقول اتانى لحد ما اشوف الدنيا هترسي على ايه ولا انته رايك ايه اما بالنسبه للمستعمل انا قلت هتقولى فى كيا بيكانتوا هههههههههههههههه مستعمل ب 25 بس تريبا ده هتبقى صاج بس

والله يا دكتور ابراهيم موضوع الاقساط ده انا مليش فيه اوى ..

بس الفايده مش هتبقى للدرجادى .. 30 الف دول يبقى حوالى 45 % من تمن اللوجان

اللى اعرفه ان الفايده بتكون فى حدود 7 او 8 فى الميه مثلا (لو هتدفع 50 %) ..


نيجى بقى للكلام المفيد ....

تعلم السواقة مش معضله خالص .. وانا رأيى لو انت عندك استعداد هتتعلمها بمنتهى السهولة باذن الله ..

انا رأيى انك قبل كل شئ تتعلم السواقة اليومين دول وتطلع رخصة ..

لو عندك استعداد زى ما قلتلك هتتعلم فى يومين او تلاتة .. وساعتها خللى اى حد معرفة يعلمك لانها مش هتبقى مستاهلة تقدم فى مدرسة المرور وتستنى دورك ووجع القلب ده ...

يعنى متشغلش نفسك اوى بموضوع التعليم ده .. السواقة اسهل ما يكون متقلقش ...


بالنسبة لموضوع الاسعار .. دى حاجة بتاعة ربنا طبعا .. بس انا معتقدش انها هتنزل خالص فى الوقت الحالى .. ده بالعكس .. انا شايف انها بتعلى ..

وبعدين حرام تقعد مستنى على امل ان الاسعار تنزل .. لانها ممكن متنزلش خالص وتبقى انت استنيت على الفاضى ...


انت حاليا معاك 30 الف ..

انا شايف انك تستخير ربنا وتدفعهم مقدم للوجان اللى انت استقريت عليها .. وتركب عربية زيرو تريحك وتصونك من بهدله المستعمل القديم ...

وكمان تساعدك فى السفر ...

لكن تضيع الفلوس اللى معاك فى عربية قديمة ممكن بعد كده تبيعها بخسارة .. حرام ...



عموما القرار قرارك بالتاكيد .. ولازم تستخير ربنا قبل اى شئ ...


شوف وقولى رأيك ايه وانا معاك باذن الله ...

واشكرك على ثقتك الغالية واسف لو طولت عليك ......