لاستاذ/ الفاضل/ محمد جاد
تحياتى لسيادتك والف مبروك على استلام السياره وارجوا ان تكون كل الامور تسير افضل من السابق واكرر مباركتى باستلام السياره و الانتظام فى الصيانه لتلافى اى شكوى مستقبليه عماد حبيب
|
سيدي الفاضل المحترم أستاذ عماد حبيب
أولا أحب اشكر حضرتك على مداخلتك الكريمة و مباركتك مقدما لإستلام السيارة و ادعي معايا إن الإستلام يحصل عن قريب عشان أنا فعلاً مشتاق لها من ساعة ما شفتها يوم التلات اللي فات
ثانيا بالنسبة لموضوع إن الامور تسير أفضل من السابق ، زي ماقلت في مشاركة سابقة لي إن مندوب البنك اثني على معاملة و إحترام أستاذ مدحت له و ده أكيد يدل على إن الامور تسير أفضل من السابق و إن كنت مش عايز أبالغ أوي في تفاؤلي غير لما استلم السيارة
ثالثاً بالنسبة لموضوع الإنتظام في الصيانة الدورية، أنا مقتنع بمبدأ إدي العيش لخبازه و دة أنا متبعه مع عربيتي الحالية (سوزوكي التو 2008 عاملة 68000 KM ) على الرغم من إمكانية صيانتها برة التوكيل، و كمان اللي يشجعني أكتر على الإنتظام في الصيانة هو وجود شخص محترم و قدير مثل حضرتك قادر على توصيل ملاحظات العملاء سواء بالسلب أو الاجاب للتوكيل
و صدقني حضرتك ديه مش مجاملة عشان أنا مش متعود أجامل ، وجود شخص ذي حضرتك في التوكيل بيدي ثقل و يطمن العملاء إن فيه حد بيسمع لهم
أخيراً أرسل لك تحية إجلال و تقدير مني لشخص حضرتك الكريم