المشاركة الأصلية كتبت بواسطة Dr/Mohammed
انا اختلف مع سبايسي
الصني احسن من اللانسر
الانسر تعبانه ياراجل
|
بص يا دوك انا كان معايا الصنى 3 سنين وكان معايا اللانسر سنه
ممكن اقولك على شويه اختلافات بسيطه بين الصنى والانسر
اولا الصنى اوطى من اللانسر بكتير وخصوصا لو انت مركب الكنبة اللى ورا لازم العربية تحك من تحت
ثانيا الصنى اخف من اللانسر بكتير بمعنى انى جبت باللانسر 210 اما الصنى فكنت حاسس انى هتقلب بيها على 160
ثالثا عزل الصوت فى الصنى وانت قافل الازاز اقل بكتير من الصنى
رابعا الفرش الداخلى للصنى ردىء جدا بخلاف اللانسر
خامسا الباور فى اللانسر افضل بكتير من الصنى
سادسا عفشة الصنى رديئه وخصوصا فى الـ ex بشهادة الجميع
سابعا صالون الصنى وبالذات فى الـ ex اضيق من اللانسر وان كان الفرق بسيط
كفايه كده بقى علشان انا كده اعتقد انى عقدت صاحب الموضوع اللى فى الاول انا اصلا رشحتله الصنى