مواد خطيره ! اوعى تستعملها فى سيارتك !!
أحيانآ كثيرة تدخل محطة البنزين لتموين السياره تجد واحد طلع لك من تحت الآرض وماسك فى يده شوية كانز
ويحاول يبيعها لك بانكسار ويصعب عليك وتشترى منه بدون تفكير على أساس ان دى بنزينه محترمه و مش
ممكن تبيع حاجه تضر سيارتك ولكنها مع الآسف مضره و أيما ضرر !!
من كام سنه كنت فى بنزينه طلع لى واحد معاه علبه ( طبعآ المفروض مستورده ) و قالى ان دى بتنظف
السليندرات و الموتور من الداخل و دى تساعد على طول عمر الموتور و السيارة ! قلت والله فكره فأنا أحب
دائمآ كل جديد وكل ما هو فى مصلحة السيارة وقرأت الكلام اللى عليها وصناعة أجنبيه والمفروض تضعها
مع الزيت وقد كان ! مافيش ساعة زمن ياولاد الحلال لقيت السيارة بتطلع دخنه سوده الآول و بعدين زرقاء
زى مايكون الموتور مفوت ! قلت حلو المادة اشتغلت و ابتدت تنظف !! ولكن اللى حصل ان الدخنه لم تتوقف
ولا بعد اسبوع و ذهبت للميكانيكى فقاللى عايز طقم شنبر و فتحت بعمره بعد كده !!
اللى حصل ان هذه الماده صحيح نظفت كل الكربون اللى حوالين الشنابر و الدليل فكشفت الفراغات اللى
بينهم ز جسم الموتور من الداخل وبالتالى اختلط الزيت على البنزين !! وده درس تعلمته على القاسى !!
وبأحكيه لكم حتى لاتقعوا فيه ونرجوا الثواب من الله !
ملحوظه : مركبات تنظيف الرادياتير برده بتبوظ الدنيا و بتجيب جوان وش سلندر ! ptmnlo123per1106
Dr. Bolbolan ptmnlo123per1127
|