[m.genedy]

المشاركة الأصلية كتبت بواسطة m10_10 متعجب جدا من حكمك على المرشحين بانك (سمعت عنهم) .. عموما انا اللي قريت عنهم اتنين البرادعي وعمرو موسى .. البسطويسي قريت عنه بس مش كتير بشكل كافي .. البرادعي حضرتك سمعت انو حاصل على كذا جنسية .. ودة طبعا كلام خاطئ تماما وتم نفية في كل مكان .. اما عن كونه عايش برة مصر فاسمحلي اقولك ان دي حجة قالها عنه النظام السابق علشان يقلل من قيمته ومن معرفته .. انا عايز بس اقولك حضرتك لو حصلت على فرصة العمل خارج مصر لفترة - انا عن نفسي جربت كدة - هتلاقي وجهه نظرك للبلد بتتغير وبتشوف البلد بشكل اوسع .. انت عارف زي مايكون واحد بيرسم لوحه مثلا - معلش اعذرني اكمني خريج فنون - وبعدين وقف شغل فيها وبعد كدة مترين مثلا علشان يبصلها بشكل اوسع .. البصة دي بتوضحلة كتير جدا .. اما عن عمرو موسى حضرتك سمعت انو صاحب كاس انا اول مرة اعرف المعلومة دي .. انا كل اللي اعرفة انو بيشجب وبيدين .. وعمري مافتكرت انو لية رؤية اصلاحية في اي شئ .. بس انا بسجل تحفظي على انو صاحب كاس .. ده غير انو كان بينزل التحرير علشان يقول للعيال روحو وكالعادة سلبي جدا في معارضة للنظام اللي كان هو جزء كبير منو .. وضلع بارز من اضلاع سياستة مع الدول العربية .. اللي خلت الشعب المصري مهان في كل الدول .. المستشار هشام البسطويسي شخص معروف عنه مكافحته من اجل تحرير القضاء والقضاه .. سمعتلو كذا حوار ويتسم بالعقلانية الشديدة .. اختياري للبرادعي لان باقي المرشحين مكانش ليهم صوت ايام النظام السابق غير بس ايمن نور .. بس صوته كان متحفظ وكأن واحد معترض وهو باصص في الارض .. البرادعي اللي قال في عز مبارك النظام دة لازم يرحل وحدد مطالب واضحه وصريحة .. وتحمل هجوم ضدة وضد عيلته .. ولأن فعز مكان عمرو اديب بيقوله الناس بتحب النظام والحزب هو بيقولله انا متأكد ان الناس رافضة النظام والحزب - طبعا عمرو اديب كان بيستهبل فيها - بس هو راجل نظرته واقعية للأمور بدون شعارات .. انا اسف جدا للاطاله .. ولكن ارجو تقبل رأيي من مبدأ (رأيي خطأ يحتمل الصواب .. ورأي غيري صواب يحتمل الخطأ) ..

فى البداية اشكرك على اسلوبك المهذب
برغم اختلافك معي.
فيما يخص احساس او نظرة المصري المقيم خارج مصر والذى شبهتة سيادتك
برسم لوحة وبعدك بعض الامتار قد يتيح لك فرصة رؤيتها بشكل اوضح اسمحلى اعترض على التشبيه..
ناهيك ان اللوحة كانت قبيحة وقاتمة ورسمت بريشة نظام فاشل.
النظام الذى لم ينظر لما رسمة ولكن الذى نظر وبتركيز هو من عانى من هذا النظام
وليس المغترب الذى يحضر الى مصر فى شكل اجازات او زيارات يكون بها مجرد سائح..
تشبيهك بعيد تماما !! لأن المغترب لا يبتعد فقط امتار او حتى بضعة الاف من الامتار
ولكن هناك شىء اخر يحدث للمغترب يشعر به هو اولا ..
وبعدها قد يشعر بها من يتعامل معهم ..
اما فيما يخص البرادعى فى هذة الجزئية
انا ضد ان يتولى حكم مصر رجل عاش جزء كبير من حياتة خارجها
لانة ومهما كان لن يرى مايراة الرجل الذى افنى حياتة كلها داخلها..
اما عن عمرو موسى
قد يكون غير حقيقى وانا لم اجزم!! وقد تكون شائعة .. الله اعلم
وكونى ذكرت ان عمرو موسى من رموز النظام السابق هذا يجعلنا لا نستغرب انة جعل المواطن العربى مهان فى كل مكان
داخل وخارج ارضة..اخيرا
فكرتى اكونها نتيجة ما اسمع وما ارى واعتقد ان هذا ليس غريبا
خاصا انى لم اتعامل مع هؤلاء المرشحين بشكل شخصي.