[mr_astra]

الموضوع بالنسبة لى وحش فعلا بس انا كتبتة عشان ناخد المعلومة الفنية اللى فية
يوم الاثنين الماضى لاحظت صوت تخبيط جاى من وش التقسيمة ( كاتينة جنزير)
حددت العيب انة شداد الجنزير باظ وعاوز يتغير لان الصوت كان بيروح اما تزود بنزين
وعشان انا كنت مشغول كلفت سواق زميلى فى الشغل يقوم بالدور دة
لكن حدث ما لا يحمد عقباة
راح لميكانيكى سىء جدا خربلة الدنيا والعربية خلفت تقسيمة صبابات وطبعا الصبابات اتعوجت
روحت للمخرطة عند الشيخ اللى فى التجنيد وعملت فريزة للقواعد وطقم صباب جديد وكاوتش صباب بـ 200 جنية وطقم جوان بـ 65 جنية
ورحت لميكانيكى تانى ركب وتمام التمام واخد مصنعية 100 جنية
يعنى الموضوع اتكلف حوالى 500 جنية
دة الشىء السىء فى الموضوع لانى غرمت حاجة سبحان الله كنت فى غنى عنها
اما الحاجة الفنية اللى عاوز اوضحها لحضراتكم وهى كيفية حساب السعة اللترية للمحرك فكانت كلاتى
قطر البستم من واقع قياس قطر الشميز= 7.6سم
من النقطة الميتة السفلى الى حافة او طول الشميز كانت =6.6سم
اذن حجم الاسطوانة = ط ×نق2 × ل
3.14×(3.8)2 ×6.6=299سم3
299*4=1197سم3 يعنى 1200 سي سي
السلام عليكم