[مهند سالم]

المشاركة الأصلية كتبت بواسطة ايمن عبدالحميد يا صديقى اولاً عافاك الله وبلغك السلامة هذا العيب حدث معى على الدولى يتاع دمياط المنصورة وانا على سرعة 140كم وربنا ستر ونزلت دورت العربية دارت ورجعت من غير مشكلة وبعدين عملتها تانى ولما اروح للميكانيكى يقولى مفيش حاجة يا بية العربية زى الفل فقررت استعين بالله واشغل دماغى وحصرت المشكلة فى الاتى 1- إما ان الكربراتير بيشرق من كتر البنزين بسبب تآكل الابرة بداخلة 2- واما ان الرداخ بتاع البنزين (ترمبة البنزين ) بايظة وبتقطع بنزين عند الاحتياج لكمية بنزين كبيرة فى السرعة 3- بك السرعة ضيق جداً او بوابتة مش بتفتح وعلشان احسم موضوع الرداخ قطعت خرطوم البنزين بعد الرداخ وركبت فلتر تانى هتقولى لية ؟ علشان المفروض فلتر بعد الرداخ يكون مليان علطول ولما تبطل العربية يفضل زى ماهو واذا نقص البنزين منة يبقى كدة الرداخ بيرجع البنزين والسكس بلف بتاعة بايظ وقد كان لقيت المشكلة لما بطلت تانى ان الفلتر التانى فاضى يعنى الرداخ بايظ غيرتة وانتهت المشكلة ارجو ان اكون قد افدتك بجديد

كلامك منطقي جدا ، والفكرة بتاعتك ممتازة. لكن المشكلة إنه بيقول إنها بتبطل لما بيشيل رجله من على البنزين، وأعتقد لو المشكلة في طرمبة البنزين العربية هتبطل منه حتى لو دايس بنزين؟؟؟؟؟؟؟؟