[حسام البورسعيدى]

المشاركة الأصلية كتبت بواسطة DR-HEMA بص يا باشمهندس انا دكتور علاج طبيعي و تخصصي علاج حالات الشلل سواء النصفى او الرباعى الناتج عن النزيف الدماغى او الجلطات بالمخ و الى بيخلي العيان مش بيدر يمشي يعني لازم اروح للعيان البيت و انا شايل اجهزة بتاع 7 او 8 اجهزة و تقيله فلازم يبقى معايه عربية مساحتها كويسه نوعا ما و لانى بنتقل كتير ما بين القاهرة و السويس و الاسكندرية فمحتاج حاجه موفرة فى البنزين و فنفس الوقت تستحمل شغلى و ظروفى انا اسف انى بتقل عليك و ربنا يكرمك يا رب و ينور بواسطتكم طريقي لخيار موفق يا رب

لا متقولش كده يا دكتور .. تحت امرك فى اى وقت يا جميل ..

اغلب المواصفات اللى انت طالبها دى هتلاقيها فى رينو لوجان باذن الله ..

من ناحية الوسع : اوسع عربية فى فئتها على الاطلاق .. الصالون واسع والشنطة كمان واسعة جدا ..

من ناحية التوفير فى البنزين : اللوجان موفرة جدا فى البنزين برضو وده لأن موتورها 8 صباب ..

وكمان هتلاقى فى اللوجان كماليات كتير مش موجوده فى العربيات المنافسة ليها فى نفس الفئة السعرية .. زى كمبيوتر الرحلات الرائع والاير باج وغيرها ..

اسعار اللوجان الحالية 69 الف للفول اوبشنز و 65 الف للهاف اوبشنز تقريبا ..

وهتلاقى كل المعلومات عنها فى التقرير اللى قلتلك عليه ....


ده طبعا بالنسبة للجديد ..

لو جينا للمستعمل يبقى هيطول الكلام مننا .. فلازم تقرر المبلغ اللى انت مستعد تحطه فى عربية هيكون فى حدود كام ...


منتظر ردك يا جميل ...

تحياتى .....