[ابوسهيلة]

المشاركة الأصلية كتبت بواسطة حازم شاهين مفيش سياسة للتعتيم و لا حاجة و بلاش نحمل المواقف أكتر ما تستحق أما الموضوع المحذوف فللأسف برضه حضرتك مفترض سوء النية إن الموضوع إتحذف و إننا جورنا على حقوق اﻷعضاء المشاركين فى الموضوع للتدليس على ما ننوى فعله فى عضو من اﻷعضاء و علشان الموضوع يعدى و محدش يحس بيه ، للأسف الطريقة دى ممكن تكون بتحصل فى أى مكان تانى غير مصر موتورز لكن و بكل بساطة الموضوع ما إتحذفش و الجزاء تم توقيعه و الموضوع موجود فى مكانه و فضل فى مكانه يوم أو أكتر و حتى المشاركة أو المشاركات التى تسببت فى الجزاء لم تحذف طول هذه المدة من الموضوع و لكن نظرا لوجود مناقشات و أراء مختلفة بين أعضاء اﻹدارة بعضها كان بيرى عدم جواز ترك الموضوع بهذا الشكل فقام أحد المشرفين بصورة مؤقتة بحجب الموضوع دون حذفه لحين الوصول لقرار نهائى ، و بالمناسبة دى مش أول مرة يحصل فيها حاجة زى كده فى موضوع من الموضوعات لكن حصلت أكتر من مرة و أشهرهم موضوع المقارنة بين السيارات الفاخرة بتاع اﻷستاذ هشام باهى و إللى كان فيه مشكلة بينه و بين مهندس سمير عياد الموضوع ده حجب فترة لحين الوصول لقرار فى المشكلة ثم تم تنقيته من المشاركات الغير مناسبة ثم تم إعادته مكانه مرة أخرى

اولا طريقة حضرتك في مناقشة الموضوع محتاج وقفة
اولا من اتهامي بسوء النية واني اتهمت الادارة بالتدليس وتوضيح حضرتك ان مصر موتورز هوا المدينة الفاضلة وان ادارتها لا تخطئ ابدا
بصراحة حاجات غريبة ارجوك راجع نفسك فيها

موضوع ان اخفاء الموضوع لمباحثته ، اعتقد انه يكون قبل اتخاذ اجراء اداري مش بعده ولعدة ايام
وعلي الرغم من ان وجهة نظري معارضة فكرة الاخفاء اصلا وبكرر وجهة نظري

وان ممكن نقفل الموضوع اونحوله للشكاوي مثلا وحاجات تانية كتير لكن مش ده المهم لان ده راجع للادارة

ما كنت اناقشه وببساطة ان اخفاء او حذف موضوع لعدم مناقشة ما به هو تعتيم وضد الشفافية

المشاركة الأصلية كتبت بواسطة حازم شاهين من حقك تسأل عن أى عضو فى المنتدى بس مش من حقك تتهمنى بالتعتيم و الضبابية و التهديد بفقدان المصداقية و كل الكلام ده علشان عضو أخد جزاء و لم يتم عمل حملة دعائية لتسويق الجزاء و مبرراته

اولا انا عارف حقوقي كويس
اما تحميل حضرتك من الكلام ما لا يستحق والاضافة عليه وتهويل بعضه وتهوين البعض الاخر فهذا شئ مش مقبول لي

اخير انا بناقش سياسة المنتدي ومبتهمش حضرتك او غيرك بحاجة

ربنا يهدي النفوس ويعيد للمنتدي روح المحبة والاخاء