[حازم شاهين]

المشاركة الأصلية كتبت بواسطة ابوسهيلة السلام عليكم ورحمة الله وبركاته اولا انا مش عايز ادخل في سياسة المنتدي ولا حابب اني اثير مشاعر سلبية بالمنتدي ولكن اسمحلي لغة حضرتك في توضيح الامور بها بعض المسلمات الغير مقبولة لي استخدمت انه من البديهي عدم الاعلان عن الايقاف او من غير الطبيعي عمل اعلان عن الايقاف ولكن من البديهي ايضا ان يكون الايقاف بسبب مشاركة تحمل مخالفة ومن غير الطبيعي حذف موضوع به مشاركات لاعضاء غير صاحب المخالفة وكان يحمل تهديد للعضو بالايقاف والشفافية انك لو سألت عن ايقاف المراقب العام للمنتدي يكون الرد واضح لانه المراقب العام للمنتدي انا غير معترض عن ايقاف اي عضو فهذا الايقاف لا يقدح في العضو من قريب او بعيد وهو حق اصيل لادارة المنتدي ولكن معترض عن التعتيم عن ايقاف بعض الاعضاء فلو اردت حضرتك معرفة لماذا اوقف ا / سمير عياد مثلا لوضعت حضرتك هذا الرابط لبيان المخالفة شكوا الى ادارة مصر موتورز ضد العضو الاستاذ سمير وهذا لايسئ للاستاذ سمير الذي اكن له كل التقدير والاحترام ولكن لو اردت معرفة لماذا اوقف ا/ حازم خضر لقلت لحضرتك ان موضوع المشكلة محذوف فخمن حضرتك ما هي المخالفة التي ادت لايقاف المراقب العام اترك لكل عضو التخمين اعتقد ان في هذا اساءة بالغة للاستاذ / حازم خضر واساءة اخري للاعضاء الذين شاركوا في موضوع ثم حذف الموضوع لاخفاء اجراء اداري تقبلوا تحياتي الخالصة لكل اعضاء مصر موتورز

مفيش سياسة للتعتيم و لا حاجة و بلاش نحمل المواقف أكتر ما تستحق
الموضوع لا يخرج عن كوننا عمرنا ما أعلنا عن إن أى عضو أخذ جزاء نتيجة مخالفة سوى الجزاءات اللى بتكون نتيجة شكوى علنية
و صحيح كلنا ما بننظرش للجزاء اﻹدارى على إنه حاجة تسىء للعضو كشخص لكن العضو نفسه هو إللى بيحس بالضيق لما يتلقى جزاء فما بالك بنشر هذا الجزاء و أسبابه على العام
أما الموضوع المحذوف فللأسف برضه حضرتك مفترض سوء النية إن الموضوع إتحذف و إننا جورنا على حقوق اﻷعضاء المشاركين فى الموضوع للتدليس على ما ننوى فعله فى عضو من اﻷعضاء و علشان الموضوع يعدى و محدش يحس بيه ، للأسف الطريقة دى ممكن تكون بتحصل فى أى مكان تانى غير مصر موتورز لكن و بكل بساطة الموضوع ما إتحذفش و الجزاء تم توقيعه و الموضوع موجود فى مكانه و فضل فى مكانه يوم أو أكتر و حتى المشاركة أو المشاركات التى تسببت فى الجزاء لم تحذف طول هذه المدة من الموضوع و لكن نظرا لوجود مناقشات و أراء مختلفة بين أعضاء اﻹدارة بعضها كان بيرى عدم جواز ترك الموضوع بهذا الشكل فقام أحد المشرفين بصورة مؤقتة بحجب الموضوع دون حذفه لحين الوصول لقرار نهائى ، و بالمناسبة دى مش أول مرة يحصل فيها حاجة زى كده فى موضوع من الموضوعات لكن حصلت أكتر من مرة و أشهرهم موضوع المقارنة بين السيارات الفاخرة بتاع اﻷستاذ هشام باهى و إللى كان فيه مشكلة بينه و بين مهندس سمير عياد الموضوع ده حجب فترة لحين الوصول لقرار فى المشكلة ثم تم تنقيته من المشاركات الغير مناسبة ثم تم إعادته مكانه مرة أخرى

من حقك تسأل عن أى عضو فى المنتدى
بس مش من حقك تتهمنى بالتعتيم و الضبابية و التهديد بفقدان المصداقية و كل الكلام ده علشان عضو أخد جزاء و لم يتم عمل حملة دعائية لتسويق الجزاء و مبرراته