[MIDO-SPICY]

ا/ ديانا
فى البدايه حابب ارحب بيكى عضوه جديده وان شاء الله دائمه فى مصر موتورز
وان شاء الله ماتبقاش اول واخر مشاركه زى العربيه اللى انت هتجيبيها
:craz yW14:

ثانيا العربيه ليها محددات تانيه غير موضوع السعر
يعنى مثلا حضرتك عايزاها هاتش باك ولا سيدان ؟؟؟؟
عايزاها جرايه 1600 cc ولا حاجه فى الخفيف 1300 cc ؟؟؟
عايزاها مانيوال ولا اوتوماتيك ؟؟؟؟
كل دى حاجات بتحدد نوع العربية بعيدا عن السعر

ولكن مفضلاتى فى حدود المبلغ اللى حضرتك حطاه ومش بالترتيب

صنى فول اوبشن مانيوال او اوتوماتيك
اوبترا مانيوال
اكسنت اسبورت مانيوال

ممكن اقولك نبزه عن كل واحده فيهم وعليكى انتى الاختيار

الصنى

عربية جميله وناعمه .... تكنولوجيا يابانيه ولكن تقفيل مصرى
موتورها هايل وكمان شكلها فخم جدا من وجهه نظرى
اما عيوبها هى ان الصالون بتاعها ضيق شويه وكمان الفرش الخاص بارضيه العربية سيئ جدا فى لصقه (بس دا ممكن تحليه عند اى سروجى ) وكمان العربية واطيه شويه عن الارض مقارنة باللانسر او الاوبترا
وكيلها الى حد ما مش وحش

الاوبترا
عربية هايله ... صالونها واسع جدا .. طبعا تكنولوجيا كورى مش يابانى زى الصنى
انا شخصيا بحبها زى الصنى تقريبا

اما النيو اكسنت 2011
فالحقيقه هى عربية لسه جديده وماحدش يقدر يحكم عليها لانها لسه ماشتغلتش
بس فيه موضوع تقييم ليها من احد الاعضاء ممكن حضرتك تقريه فى اللينك دا
http://www.masrmotors.com/vb/showthread.php?t=45583

العيب الوحيد اللى اقدر اقوله عن العربية دى لحد دلوقتى ان وكيلها غبور وما ادراكى من غبور

:craz yW14:

ارجوا انى اكون افدتك بعض الشىء
واهلا بيكى مره تانيه فى مصر موتورز عضوه متواصله دائما
والف مبروك على العربية مقدما