[أبو زيزو المصري]

طبعا الف الف الف شكر لصاحب الموضوع وربنا يفتحها في وشه بس فيه حاجة يا جماعة , الموضوع ده اونطة في اونطة, مفيش حاجة اسمها تعيينات وده من مصدر موثوق منه داخل الوزارة واللي يقول غير كدة يبقى بيضحك على الناس, وببساطة وبالمنطق:

أعلن وزير المالية عن انخفاض النمو إلى 3.5%
كما أعلن عن عجز في الموازنة العامة بنسبة 13.5%
بالعقل كدة بلد ميزانيتها منخفضة النمو وفيه عجز كبير كدة( على فكرة 13.5% دي كارثة حقيقية مش هنحس بيها دلوقتي هنحس بيها في ديسمبر 2011) يبقى فيه فرصة تعين ناس جديدة؟
طيب افترضنا إن العجز ده مقبول طيب الأولى يثبت العمالة المؤقتة الأول ولا يعين ناس جديدة؟ طبعا يثبت العمالة المؤقتة وده وللأمانة حصل فعلا وفيه ناس كتير بتتثبت, يعني منفكرشي في وظائف للحكومة قبل 3 سنوات من دلوقتي, وطبعا فيه عقبة كبيرة جدا جدا سابهالنا النظام المباركي ( نظام مبارك) غير المأسوف عليه ألا وهي الواسطة والكوسة اللي لسة موجودة لحد دلوقتي, ومثال على كدة هنقل لكم تجربتي المتواضعة:

في شهر ديسمبر 2010 أعلنت مدينة الثقافة والعلوم عن حاجتها لأعضاء هيئة تدريس، وقد تقدمت إلى وظيفة مدرس مساعد في مجال العلوم السياسية لأنني حاصل على ماجستير العلوم السياسية بتقدير ممتاز مع مرتبة الشرف مع توصية بنشر الرسالة وبعد عناء الانتظار ومماطلة في إعلان نتيجة حكم اللجنة المشكلة لاختيار أعضاء هيئة التدريس اكتشفت أن جميع المعينين هم بنظام الانتداب الكلي من الجامعات الأخرى, كما أن من الواضح أن الاختيار كان على أساس الواسطة والتربيطات والمعارف، فلنا الله يا مصر وكم نتمنى أن نجعلك منارة للعلم ولكن أين الفرصة؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟ وتقبلوا تحياتي