المشاركة الأصلية كتبت بواسطة sad-bird
طيب ياعم شريف نحسبها واحده واحده كده
1. هو رحيل والا هروب
2. هو انت عارف انت هتروح فين ورتبت نفسك وقررت والا انت بتفكر ومش عارف تروح فين لسه
3. هل انت متخيل ان المكان اللي هتروحه هيبقى كويس ومفيهوش اي مشاكل ( انت قولت شرم او مطروح ) شرم مفيهاش الا شغل سياحة عاوز تروح اقامة يبقى عاوز شقة شقة هناك يبقى 3000 وانت طالع في الاسكان الشعبي مطروح حالها زي اسكندرية تقريبا
4. انت قايل قبل كده في موضوع تاني انك انت ووالدتك بس لوحدكم يا تري هتاخد والدتك معاك والا هتستغني عن خدماتها بعد ما كبرت وبقت في اشد الحاجة اليه
5 . هل انت فكرت في حاجة من الحاجات اللي اتناقشنا فيها قبل كده والا كبرتدماغك ونويت على الهجرة وخلاص
على فكرة انا كنت في موقفك من 4 سنين بس مكنتش رايح شرم ولا مطروح
انا كنت رايح استراليا
|
على فكرة انا احترتك جدا بعد المشاركة دى و احترمت المنتدى كله لانى الناس بتتكلم مع الناس كأنها بتتكلم معاهم وجها لوجه انا فعلا متفاجأ !!
بخصوص موضوع الرحيل ولا هروب
طالما انت طلعت تعرفنى يبقى عارف انى مخنوق من اسكندرية و حياتى متلخبطة هنا و الطينة الحكاية بموضوع الامن فاحسن انى كده كفاية
و بخصوص والدتى الحمدلله امى سنها متوسط و صحتها كويسة ربنا يباركلى فيها و هيا قالتلى روح
و كانت اهم حاجه مباركتها للموضوع و موافقتها قبل اى شىء
بخصوص الترتيب انا فعلا مظبط شغلانه هناك و بخصوص الأقامة اانا تقريبا ظبط المكان اللى هطلع فيه