رد: حلم بتأسيس حزب مصر موتورز
بص أنا قعدت افكر فيها ،،
الأول استنكرت علي اساس إن أول حاجة في اي حزب هيا الأيدلوجية و المبادئ ،،
و إحنا مختلفين أووي فيها
عندك ناس فلول حزب وطني و ناس ليبراليين و ناس أخوان و ناس سلفيين و و ناس يساريين
و الأغلبية زي حالتنا غير مسييسين
و بعدين لقيت حاجة بتجمعنا اللي هيا العربيات ،
الصراحة هيا مش حاجة قليلة و بند مهم في حياة كل إنسان
و لكن لا يجذب غير الطبقة المتوسطة فيما فوق
يعني يبقي حزب يدافع عن حقوق مستهلكي السيارات ؟؟
طيب سيبك من المعوقات التوكيلات و المقار و التمويل آلخ ،،،
الحزب هيحقق أهدافه إزاي ؟؟ المفروض عن طريق البرلمان
طب فرصتنا أد ايه عشان ناخد حتي كرسي واحد بالمبادئ دي ؟؟
البديل نشكل جماعة أو جمعية أو منظمة ضغط سياسي
و برده يكون لينا مقرات و أعضاء و تمويل و تكون مشهرة و تحت رقابة الجهاز المركزي للمحاسبات
و لكن الآلية هتختلف ،، هتكون لقاءات مع المسئولين ، اتصالات بالأحزاب و القوي السياسية و ندعم اللي بتحقق أهدافنا ، رقابة علي شركات السيارات و مراكز الصيانة و التجار و إدارات المرور و إعداد دراسات و توصيات
صراحة ، الفكرة مش وحشة
أتمني إدارة المنتدي تتبناها ،، و كلنا هندعمها و نبتدي فيها من دلوقتي
أول خطوة ،،
حد عنده خبرة قانونية يقولنا الأشكال القانونية المتاحة
و إحنا كده كده منتدي ديمقراطي فإحنا الأولي بالتحدث عن مستهلكين السيارات
|