[mamq]

بسم الله الرحمن الرحيم

إخواني الأعزاء أنقل لكم مشكله حصلت معي و الحمد لله تمت المعالجة لكي تعم الفائده

من فترة قصيرة مضت غيرت فلتر الهواء بفلتر هواء رياضي طبعا الفرق كبير
و بعد مرور شهر تقريبا سمعت صوت صفارة كل ما أعشق الفتيس و أبدأ بالمشي بالسيارة صوت الصفارة يزيد لأ و كمان سحب السيارة ضعيف يعني بتجيب الـ 120 بالعافية
المهم أنا شكيت في حاجات كتير أولها ( الإسطوانة و بعدين بلية الدبرياج و بعدين الشكمان و بعدين جهاز الفرامل ..... إلخ )
طبعا رحت عند الميكانيكي قال عاوز طقم دبرياج ( بلية و إسطوانة و ديسك ) يعني أخش في 900 جنيه مرتاح و أدفعهم زي الباشا
و بعدين كشفت عند الكهربائي قالي مش عيب كهربا
بصراحة إتخنقت من العربية
رحت لبتاع الشكمانات بصراحة الله يباركله رفع العربية و خلاني أمشي بالعربية و هي مرفوعة و بعدين قالي باااااااااااااااااااااااا ااس فبسيت
المهم فك فلتر الهواء الرياضي و قالي خد لفة بصراحة هي دي عربيتي
العيب كان في فلتر الهواء كان في شوية تراب على شوية زيت المهم كان محتاج نظافة من نار بس هي دي المشكله
عموما يا زملائي لازم نهتم بنظافة سياراتنا سواء فيها عيب أو مافيهاش فزي ما بيقولوا الوقاية خير من العلاج لازم نعمل كل يوم تشك على الزيوت و على الكاوتش و على ماء الريدياتير و على كشافات الإضاءة
و ربنا يسترها معانا و معاكم
أخوكم محمد عادل