الموضوع ده ذكره من قبل الشيخ طارق
انا عارضته لعدم استيعابي الفكرة
عموما بعد بحث وجدت انه بالفعل هناك تجارب على تصنيع محركات تعمل بالطاقة الشمسية و تحويلها الى طاقة كهربية يتم تخزينها في بطاريات و يتم تحويل الطاقة الكهربية الى طاقة حركية بمواتير كهرباء في كل عجلة!
مش هوا ده الموضوع القنبلة
السيارات الهايبرد فيها 5 محركات
ايوة 5 محركات
و بتاع 20 بطارية علشان متزعلوش
محرك رئيسي يعمل بالوقود ( بنزين او ديزل )
و 4 محركات كهربية عند كل عجلة من ال 4 عجلات في السيارة
يتم تحويل السيارة من سيارة تعمل بمحرك احتراق داخلي الى سيارة تعمل بالكهرباء بضغطة زر - و يتم شحن البطاريات حاليا في محطات منتشرة في كل انحاء اوروبا
برضه مش هوا ده الموضوع القنبلةّ!!
الله امال ايه الموضوع!!!!!!!!!!!!!
سيارة تعمل بالماء!!!
بكل بساطة السيارة تحتوي على وحدة متطورة تقوم بفصل الهيدروجين من الماء المضاف اليها مولده ايونات سالبة تقوم بشحن بطاريات مثبتة في السيارة بصورة مستمرة و عن طريق الطاقة الكهربية المشحونة يتم تشغيل مواتير كهرباء في السيارة لتحريكها! طبعا الاختراع قيد التجارب التي اثبتت نجاح و لكنهم في مرحلة التطوير لتحسين الاداء - و بدون ما اقول السيارة المائية تم اختراعها في اليابان
الرابط للمشاهدة
خلص الموضوع على كده؟
سيارة تعمل بالهواء
فكرة هبلة و تافهة
بكل بساطة كومبريسور اللي بينفخ العجل تشحن بيه هوا في اسطوانات هواء زي اللي عند بتوع الكاوتش و الهواء المضغوط بيحرك البساتم في الموتور و السيارة تمشي
اللي بيفهم في ميكانيكا المحركات يعرف ان الاحتراق و البلاوي الزرقا كلها هدفها توليد هواء مضغوط لتحريك البساتم فوق و تحت و بالتالي الحركة دي تولد حركة دورانية تحرك العجل
لغينا الاحتراق و زودنا الموتور بالهواء المضغوط علطول!!
الاختراع ده بقى في فرنسا و تم تصنيعها فعليا
الرابط للمشاهدة