ننتقل حبه من الشقق لشنط اللابات
لو انت عايز تشتري شنطه كويسه لازم تاخد بالك من حاجتين مهمين
اولا : قدره الشنطه علي تحمل الصدمات و امتصاصها
ثانيا : قدره الشنطه علي الاحتفاظ باللاب
يعني في شنط موجوده بالسوق مفهاش اي دعامات و في منها بتنزل بالفعل مع الاجهزه و هدايا و اشتغالات كده
في نوع شنطه محترم اوي بعد تجارب عده لقيت ان ده الافضل بجميع المقاييس
الشنطه دي فيها دعامات حديد قويه جدا و بتتحمل خبطات بشعه فعلا ومن جميع الاتجاهات و متبطنه من الدواخل كلها تبطين رائع ضد الحراره وفيها جيوب سحريه كتير وسوست اكتر يعني شنطه متنوعه و متخصصه للاب وبتشيل كل ما تتخيله من موس و كيبورد اضافي و الشاحن و وصلات كهربه و دفاتر و اقلام و مكان للموبايل غير مكان للفلاشات
بجد فيها اوبشن عالي جدا
بالاضافه ان سوستها قويه و بتتحمل ابشع الاستخدام وحديد في حديد يعني غني للصبح يا عمنا
بالاضافه نظام الامان فيها كويس ورقم سري و حركات كده
السعر
155 ج
بجد يابلاش
في كون في شنط تانيه ب 100 و 110 ولا تستاهل كلمه شنطه لاب
وموفقين بعون الله
الي اللقاء مع تجربه جديده
تقبلو جميعا خالص تحياتي
التعديل الأخير تم بواسطة حازم شاهين ; 12-06-2011 الساعة 04:47 AM
|