[viken.tantawy]

المشاركة الأصلية كتبت بواسطة medo84eg بص يا سيدي الفاضل اولا احب اعرفك اني مهندس ميكانيكا و العربيه لما اشتريتها شاريها بموتور خفيف عن عمد علشان اشده علي ايدي اولا كنت شاري العربيه و صاحبها ركبلها موتور استيراد بجد كان ميه ميه المهم بص يا سيدي احب قبل كل شيء اقولك ايه الفرق او الميزة في العمره انت لما بتجيب موتور استيراد بيبقي زي البطيخه سمي الله و افتح و انت و حظك لكن العمره انت بتفك المحرك و تشوفه حته حته و عيش طب تعرف انا في العمره بتاعتي عملت ايه فتحنا الموتور و اي حاجه مش ولا بد برميها و بجيب جديد زيرو اوريجينال و اللي مش بلاقيه جديد زيرو او بلاقيه جديد بس مش اوريجينال كنت بجيبه اوريجينال استيراد يعني مثلا عندي كله راكب جديد زيرو اوريجينال باستثناء قطعتين بس صدقني بيبقي معاك محرك كأنه جديد موديل سنته او سنتين بس عدوا عارف انا صرفت علي الموتور كتير بس صدقني هتقفل الموتور و تنساه يعني من فضل الله من اول الموتور من تحت لحد وش السيلندر فوق كله زيرو و لا كرنك مخروط و لا وش سيلندر مكشوط و لا الهوا من فضل الله لكن عارف بقي لو 128 هتعمل عمره هتلزق فيها العربيه ماشي يا سيدي و يفتح بقه تاني امته ؟؟؟ بلاش دي شوف مثلا هتجيب قطع غيار و تشتري تاني بدلا منها امتي ؟؟؟

يااااه بجد محتاج تفاصيل اكتر يا استاذي الفاضل لان انا خلاص ابويا ربنا يسامحه دبسني في عربيه 128 وبجد مش مرتاحلها خالص ولسا بردو بفكر في الـ305 بس عايز حد يدعمني في رائيي وخصوصا الاسعار يعني لو حضرتك تقولنا عمره بكام الفوانيس والكلام دا بيعمل كام المساعدين جوز الكبالن يبقي كدا تمام قوي وبجد اكون شاكر ليك