رد: عاوزه أروح أكاديمية المستقبل بالزقازيق
المشاركة الأصلية كتبت بواسطة hananelhosiny
|
على حسب الاقرب ليكي ايه
لو عبود قريب
يبقى هتروحي عبود تركبي من هناك الزقازيق وتنزلي في الاخر خالص وتاخدي تاكسي تقوليله الحناوي لو معاكي تليفون تسأليهم اسم الشارع او اقرب حاجة ليهم ايه ( شارع محروس - الاسيوطي - السويسي )
لو خايفة من ركوب التاكسي لوحدك في الايام دي ممكن تركبي ميكروباص اول ما تنزلي في الموقف الميكروباصات اللي رايحة الزراعة وتنزلي منها تركبي اللي رايح شارع فاروق هينزلك قدام شارع من الثلاثة اللي قلت عليهم ( شارع محروس - الاسيوطي - السويسي ) وتنزلي تتمشي الباقي مسافة قصيرة مش كبيرة 300 متر
لو موقف العاشر اقربلك
هتركبي منه الزقازيق وانتي في الطريق هتلاقي ادارة مرور الزقازيق قولي للسواق عاوزة انزل المفارق تنزلي وتمشي 20 متر في الطريق اللي داخل يمين علشان اتجاه سير العربيات تركبي تاكسي وتقوليله العنوان
لو خايفة من ركوب التاكسي لوحدك بعد ما تعدي الطريق هتلاقي ميكروباسات بتقول الزراعة اركبي فيها وقوليله عاوزة انزل سوق الجملة أو شارع فاروق ( السوق هو بداية شارع فاروق ) تنزلي وتعدي الطريق شمال وتركبي ميكروباص تاني ينزلك قدام اي شارع من الشوارع اللي قلتلك عليها شارع محروس - الاسيوطي - السويسي )
معاكي الخيارات المتاحة وتيجي وترجعي بالسلامة
المشاركة الأصلية كتبت بواسطة hananelhosiny
العنوان : الزقازيق / الحناوى |
يبقى غالبا اكاديمية المستقبل هيا المعهد العربي الافريقي سابقا
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|