[QUOTE=AboNoRa;404462]تسلم ايدك يا استاذ احمد
السلفيه مفترى عليها وعايزينها تحتل محل الجماعة المحظورة كفزاعة بديلة وكان لازم تبقى فيه حاجة محظورة وخلاص
ولازم الحاجة ديه يكون اسمها فضفاض بشكل يسع اى حاجة تانية بسهولة
زى مصطلح الارهاب كده اللى محدش عارف يعرفه لحد دلوقتى
يا جماعة السلفيه مدرسة فكرية بالاساس وليست جماعة تكفيريه ولا جهادية
فيه جهادية سلفيه زى القاعدة مثلاً بس السلفيه فى الحجاز وشمال افريقياً ضدها وبعيدة عنها فكرياً تماماً بالعكس ده السلفيه هى الدرع الحقيقى ضد افكار التطرف والغلو تماما كما هى ضد التفريط والابتداع
منور الموضوع يا استاذ وائل و ربنا يجعل دفاعك عن اعراض المسلمين فى ميزان حسناتك انا بس الى بتمناه اننا منحكمش على حد منغير منعرف عنه حاجه و متكونش معلوماتنا و اخدينها من مروجى الاشاعات و الفتن بين المسلمين و يكون حكمنا على كل حاجه بموضوعيه يعنى احنا هنا فى مصر موتورز لما حد بيقول انا رائيى فى العربيه الفلانيه انها فيها عيوب كذا و كذا بنسأله هو بيقول الكلام ده عن طريق معرفه حقيقيه و تجربه للعربيه و اللا الكلام لمجرد انه سمع حد بيقول و هو بيكرر كلامه بدون ميكون متأكد من صحه المعلومه
لو كان ده منهجنا فى حكمنا على عربيه ....فمن باب اولى اننا منخوضش فى اعراض المسلمين بدون علم و منقولش غير الكلام الى احنا متأكدين منه و لازم كل واحد فينا يعرف انه مسؤل عن كلامه و انه هيتحاسب عليه قدام ربنا و كل واحد فينا واجبه انه يدافع عن عرض اخوه المسلم فى غيابه و يقول للظالم اتقى الله
احنا لما الغرب يهاجم المسلمين و يقول عنهم صفات مش فيهم هقول ممكن يكونو معزورين لانهم ميعرفوش حاجه عن الاسلام و معلوماتهم بياخدوها بس من الاعلام الى بيوصلهم صوره واحده للإسلام وانه دين ارهاب و راجعيه بس لما الهجوم يكون من المسلمين انفسهم و نلاقى ان المسلمين هما الى بيهاجمو الاسلام ساعتها الاحساس بالظلم هيكون اكبر و الالم اعمق
لازم كل واحد فينا يعرف ان الموضوع مش هزار و ان كلامه فى حق المسلمين مسؤليه كبيره و الى مش عارف لازم يعرف
عن سعيد بن زيد رضى الله عنه قال رسول الله صلى الله عليه وسلم
إن من أربى الربا الإستطالة فى عرض المسلم بغير حق )رواه أحمد وأبو داود وصححه الألبانى فى صحيح الجامع ( 2203 )الإستطالة فى عرض المسلم : أى غيبته وذكره بالمكروه والعيب.وعن انس قال رسول الله . "لما عرج بى مررت بقوم لهم اظفار من نحاس يخمشون وجوههم و صدورهم فقلت :من هؤلاء يا جبريل؟قال: هؤلاء الذين يأكلون لحوم الناس و يقعون فى أعراضهم. (رواه احمد و صححه الالبانى). وعن جابر قال :كنا عند النبى . فهبت ريح منتنه فقال رسول الله . : اتدرون ما هذه الريح ؟ هذه ريح الذين يغتابون المؤمنين0 (رواه أحمد و صححه الالبانى). وقال عدي بن حاتم: الغيبة مرعى اللئام.وقال أبو عاصم النبيل : لا يذكر في الناس ما يكرهونه إلا سفلة لا دين له . الآداب الشرعية - (ج 1 / ص 6).
·الواجب على المؤمن أن يحذر أنواع الربا ويحذر المعاصي كلها لهذا جعل صلى الله عليه وسلم الاستطالة في عرض المسلم من الربا؛ لأن ضررها عظيم وتسبب فتنة ونزاعات وفسادا في المجتمع وشحناء إذا بلغ الشخص ما قاله في الآخر، وبذلك وغيره من الأحاديث يعلم أن الغيبة والنميمة من أعظم الفساد في الأرض وهما من أربى الربا، فالربا ليس خاصا بالبيع والشراء فقط بل يكون في المعاصي والمخالفات والتعدي على الناس بالغيبة والنميمة- نسأل الله العافية- لأنه زيادة على ما أباح الله له فقد أربى بزيادته على ما أباح الله له حتى وقع في الحرام وارتكب ما نهى الله عنه نسأل الله السلامة. مجموع فتاوى ابن باز - (ج 25 / ص 255).