[abo-gamal]

المشاركة الأصلية كتبت بواسطة keeko اولا السلام عليكم و رحمه الله و بركاته ثانيا احب اشكر المنتدي ده اللي عرفته بالصدفه و كل اعضاءه اللي مش بيبخلوا بأي معلومه عن اي حد و ده اللي خلاني اسجل بصراحه لأني شايف روح جميله في المنتدي ثالثا بقي:: انا ان شاء الله نويت اشتري رينو لوجان فول اوبشن قريبا جدا و ما شاء الله المنتدي مغطي تقريبا كل المعلومات اللي عن العربيه مميزاتها و عيوبها بس انا عندي اسئله بسيطه كده بما اني اول مره اشتري عربيه كمان 1)) هل سعر اللوجان الفول اوبشن ب 70 الف ولا غلت عن كده.؟؟ اصل سمعت ان كل العربيات غلت حوالي 4 او 5 الاف جنيه 2)) هل بتفرق بين معرض و التاني في السعر ولا لأ؟؟ ولو بتفرق يبقي ايه افضل معرض اقدر اتعامل معاه و خصوصا اني هشاتريها قسط 3))زي ما بعض الاخوه قالوا صوت الماتور عالي شويه...هل الموضوع ده واضح اوي و الصوت مزعج ولا عادي؟؟ و الرادياتير بيحتاج يتحطله مايه كل اد ايه تقريبا؟؟ 4)) هل قطع غيار اللوجان مقارنه بالفيرنا و اللانوس غاليه؟؟ و هل فعلا ماحدش يقدر يحط ايده فيها غير التوكيل ولا ممكن اي ميكانيكي يقدر يصلح فيها اي عطل؟؟ 5)) اماكن الصيانه..؟؟؟ و الصيانه بتتعمل كل اد ايه؟؟؟ و بكام كل صيانه؟؟ اسف جداااااااااااااااااااااا علي الأطاله بس اعذروني الواحد قبل مايشتري اي عربيه بيبقي عايز يعرف عنها كل حاجة و انا بصراحه مالقتش افضل من المكان ده عشان اسئل فيه شكرا مقدماااا

- بالنسبة للسعر فعلا السعر زاد بسبب ارتفاع سعر صرف الدولار و اليورو امام الجنيه
- انا بصراحة ذهبت لاكثر من معرض واشتريتها فى الاخر من توكيل القطامية وبصراحة ناس محترمة جدا وكفاية انك تستلم السيارة وعداد الكيلو متر لا يتعدى 15 كم يعنى مفيش حد ركب السيارة نهائي غيرك ، وبالنسبة للسعر مش هاتفرق من معرض لاخر الكل تقريبا نفس السعر
-بالنسبة لصوت الموتور هو فعلا عالى لكن مش عالى جدا او ملحوظ لدرجة الازعاج ، وبالنسبة للرادياتير السيارة معايا من 5 شهور وعمرى حتى ما كشفت على الميه او على الموتور غير فى الصيانة لدى التوكيل وبصرحة ما شاء الله زي الفل
- بالنسبة لقطع الغيار فعلا هى اغلى بالمقارنة بالفيرنا او الانوس ، وعلى فكرة يوجد لها قطع غيار خارج التوكيل لدى المحلات المتخصصة فى بيع قطع الغيار الفرنساوى وهى الان متوفرة جدا نظرا للانتشار السيارة
ونصيحة منى اذا اشتريت السيارة يفضل تكون الصيانة مع التوكيل علشان الضمان
- بالنسبة للصيانة كل 5000 كم تروح للتوكيل ويعمل لك الصيانة المطلوبة للسيارة وعن اسعارها ممكن تبحث فى المنتدى وستجد اعضاء اخرين مشكورين عارضين اسعار الصيانة لدى التوكيل

وهى استفسارات اخرى احنا فى الخدمة