رد: عوزه ادهنها على مزاجى .. ينفع ?
المشاركة الأصلية كتبت بواسطة aymangalal
ربنا يجازيك كل خير فى وضح النهار وجوف الليل وكل وقت
|
اللهم آمين وأياكم
المشاركة الأصلية كتبت بواسطة aymangalal
والله الموضوع انى كنت هنقل سكن واضطريت لعرض العربية للبيع عشان اكمل والاقى شقة ولما ربنا ما ارادش غيرت تفكيرى للايجار (مضطر)
|
انت مكان شغلك فين وعاوز شقة فين
فيه مشروع الاسكان الجديد منخفض التكاليف اللي بيقولو عليه هيتعمل في الخطة الجديدة وفي خلال خمس سنين
لو كده يبقى الايجار حاليا افضل لغايه لما ينزل المشروع اكيد ان شاء الله كل الايجارات هتنزل
المشاركة الأصلية كتبت بواسطة aymangalal
وقولت اكمل توضيب العربية اللى غاليه عندى جدا والتكييف طبعا فى الخطة
|
ربنا يعينك ويقويك
المشاركة الأصلية كتبت بواسطة aymangalal
نقطة اللون دى بترجع الى ان اللون الحالى الزيتى (هوه جميل جدا وخصوصا لو جديد وبيلمع صح) لكن تقريبا بقاله فترة وصاحبها كان مهملها ع الاخر ودايما كنت بغسلها مره فى الاسبوع مافيش فى نفس اليوم تلم تراب ولا كأنها اتغسلت (والله بتعب جدا فى تنظيفها بره وجوه وماحبش اوديها بره عشان ماحدش هيعمل اللى بعمله) سألت على الحتت المجرحة اللى فيها(اللى شاريها على حالتها) تتعمل سمكرة والمعجون المطقطق ينزل كشغل مرمات دخلت لها فى 600 بالاكصدامات وكنت هعمل رجعت فكرت ايه اللى يخليها لون واحد ومش مكلف وطبعا هتبقى ميه واحده ؟؟؟لاقيت الابيض على نفس الموديل جميل جدا ومش محتاج ميتاليك وهتترش كلها مش هتعدى 800 ج فرق بسيط وتترش كلها ده سبب فكرتى عن تغيير اللون غير انى اخدت انطباع عن اللون الغامق انه بيلم تراب وكمان لوعملت مرمات(اجزاء فقط) هيبان الفرق مع الوقت وده سبب برضه انى اغير لونها
|
خلي بالك انت بتقارن بين لون ميتالك ولون عادي دي نقطة
النقطة الثانية هياخد ليه ان شاء الله 600 جنية علشان خبطة
وبعدين لو هتعمل مرمات انت خد العربية قدام بتاع الكمبوتر هيجبلك درجة اللون بالضبط حتى لو لون العربية فتح او اغمق عن لون الاصلي هيجيبلك اللون المناسب ليها
المشاركة الأصلية كتبت بواسطة aymangalal
لكن كلام حضرتك طبعا بالنسبالى مرجع كصاحب اراء عمليه ومفيدة
|
ياعم انا غلبااااااااااااان وعلى قدي الموقع مليان خبراء
المشاركة الأصلية كتبت بواسطة aymangalal
والموضوع اللى حضرتك حطيتلى اللينك بتاعة طبعا ممتاز واتمنى اوصل للنتيجة دى وخصوصا ان لون العربية تقريبا نفس لون عربيتى (يا سلااااام حد طايل) بس هتفضل على الحاله دى قد ايه كام يوم او كام اسبوع وبعض الاعضاء جربوا وقالو مش بيوصلوا لنفس النتيجة -بس اعتقد ان التشميع بيكون للعربيات اللى دهانها فابريقة اوجديد للحفاظ على الدهان وده غير حالتى خالص
|
طيب انت اصلا بتهتم بالعربية وبنضافتها
طيب ما تكمل جميلك وتوصل اي حد بتاع كماليات وتجيب منه علبه الورنيش وتجرب
مع مراعاة ان اللي كان بيرد كان بيقول انا معرفتش اعملها صح لكن مش معني ذلك انه مينفعش يتعمل
ثم ان المدة اللي هيقعدها مش يوم ولا اثنين يعني نقول كل شهرين مرة مثلا
والا ايه رأيك
المشاركة الأصلية كتبت بواسطة aymangalal
ملحوظة السقف بقى : يا ترى لو خليتها على لونها رشيت زيتى جديد لعربية كلها (عشان مايعملش فرق لون بين الاجزاء المرشوشة والاجزاء اللى مش مرشوشة) هل هتفضل نقطة انى راشش سقف دى على الرغم انه نفس اللون (وانا مش عارف - ومااعتقدش انه فابريقة- لانى مشتريها راشه بره)
|
يفيدك في موضوع سقف الفابريكة ده الصنايعي بس يكون نضيف هو هيعرف اذا كان السقف مرشوش والا فابريكة
لكن وارد انه يكون هو كمان مرشوش بما انك شاريها على كده
لو مرشوش وناوي ترشها كلها يبقى خلاص رشها
لو مش مرشوش يبقى اما تعمل المرمات اللي فيها او ترش الجنبين
مع الوضع في الاعتبار اللي بيعمل المرمة بيرش الجزء على بعضه
يعني خبطة في الرفرف بيرش الرفرف كله خطبه في الباب بيرش الباب كله وهكذا
المشاركة الأصلية كتبت بواسطة aymangalal
مشكور على تنبيهات حضرتك اللى ماكنتش واخد بالى منها
|
العفو تحت امرك
المشاركة الأصلية كتبت بواسطة aymangalal
وعذرا على لخبطة الاسامى يا استاذ محمد مش سعد
|
ولا يهمك يا باشا
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|