[silentman84]

المشاركة الأصلية كتبت بواسطة amaboubakr استاذ اودا نسيت استفسر من حضرت على ثلاث نقاط : حضرتك بتقول ان العربية لغاية مابتيجي للوكيل بيكون تمنها 73 الف يعني هو لما باع العربية بـ69 كان خسران 4 الاف في العربية وهل يعقل ان الوكيل يخسر علشان يسوق العربية. النقطة التانية حضرتك نسيت ان سعر العربية تمنها نزل اصلا في الصين وده نقلا عن حضرتك في مشاركة سابقة . النقطة الثالثة والاخيرة ، هل حضرتك تعرف ان لما الوكيل بيدي العربية بتاعته لمعرض مكسب المعرض اقل حاجة خمس تلاف والنقطة دي انا متاكد منها مليون المية من صديقي صاحب المعرض ، وطبعا حضرتك عارف ان بتاع المعرض علشان يكسب ويبيع اكتر بيعمل عرض وخصومات على اي عربية فلازم يكون واخدها من الوكيل بسعر يضمن له على الاقل 4 الاف مكسب احسبها حضرتك وشوف لو العربية فعلا مكسبها وتمنها على الوكيل زي ماحضرتك قولت ، يبقى بتوع المعارض يسيبوهم من شغلانة العربيات دي ويفتحوا مطاعم كشري لانها هاتكسبهم اكتر. آآآه كنت هانسى حضرتك اكيد عارف ان الوكيل بياخد منهم العربيات بسعر الجملة وليس بالسعر المعلن عنه في المواقع الرسمية اللي اكيد حضرت بتدخل عليها وبتشوفها ولك مني الف تحية

كلام مظبوط اخى احمد....كانوا قفلوها من زمان.....وشغلوا فلوسهم فى حاجه تانيه...لانى مافيش حد بيخسر.....لانى اى حد فاتح مشروع ولاقى نفسه بيخسر او الموضوع مش بيجيب همه كان قفله.....تانى حاجه ليا صديق شغال سيلز مان فى توكيل مشهور جدا بيقولى انا لما بخلص بيعه فى عربيه باخد عموله 8000 جنيه .....يبقى لما هو بياخد المبلغ ده عموله امال صاحب التوكيل بيكسب كام؟؟؟؟؟؟؟؟؟
لو عرف السبب لبطل العجب.......دول حيتان .....مش عارف الاستاذ اودا كان حسبها غلط وبيقول ده مكسب وكيل جاك 7000 جنيه ....فيه وكيل برده يكسب المبلغ ده .....هديك شوفت سيلز مان بياخد كام......برده كان بيقول انها 81000 ....ونسى انها ب 84000