[silentman84]

المشاركة الأصلية كتبت بواسطة odaoda طبعا كلنا تابعنا بشغف مشاركة الفعالة للاعضاء الكرام بخصوص سعر العربية العالى وطبعا استاذنا الكبير سايلنت مان جابنا سعر العربية من الجمارك وهو حبيبى فالله طبعا وانا مقدر مجهوداتة المهم انا فكرت فالموضوع وهنقلكم الى كتبة بالظبط وحنبتدى ب b15 كما اتعودنا على اسمها وسعر دخولها الميناء 40000 جنيه مصرى... طب سعر جمركها كام ؟؟؟؟؟ احنا عارفين ان مصلحه الجمارك بتاخد الاجمالى 61 % رسوم وهم عباره عن 40 % رسوم توريد ونولون و20 % ضريبه مبيعات و 1% رسم تنميه وتأمين ....وده على العربيات ال 1500 سى سى وال 1600 كمان......طب تعالو نحسبها قيمه السياره 40000 جنيه وقيمه الجمارك المحصله 61 % يبقى 40000 فى 61 على 100 يساوى 24400 جنيه يبقى قيمه الجمارك + قيمه السياره يعنى سعر السياره بجمركها 24400 +40000 =64400 جنيه مصرى يعنى 64400 نحط عليهم كمان 4000 جنيه لزوم المستخلصين والموظفين يبقى 68400 الوكيل بيبعها 84000 يبقى كام المكسب؟؟؟؟؟؟ 84000 - 68400 =19600 يعنى مكسب الوكيل 19600 دة الى كتبة استاذى الفاضل واخويا الكريم بلنسبة لسعر الجاك بى كلاس والى توصل فالنهاية ان سعر العربية الاصلى حوالى 69 الف جنية بالتمام والكمال طيب اكمل انا بعد السعر الاصلى ودخولها مصر تكلفة شحن العربية من الصين لا تقل بأى حال من الاحوال عن 4 الاف جنية للعربية الواحدة من الصين لمصر اذا سعر العربية على الوكيل حتى الان 73 الف جنية مصرى لو قلنا ان الوكيل بيمشى بمبدأ المكسب الاسلامى 10 فلمية من تمن السلعة الى واقفة علية ب 73 الف جنية وبحساب نسبة العشرة فلمية تقدر ب 7300 جنية بالتمام والكمال اذا 73000 + 7300 جنية = 81 الف جنيةمصرى يعنى سعر العربية على الوكيل بالمكسب الاسلامى العادى 81 الف جنية بدون ما احسب ايجار المعارض ومراكز الخدمة الجديدة الى فتحوها ومرتبات العمال والموظفين وكل الحجات دى ملحوظة اخيرة انا اكتر واحد انا وملاك العربية الكرام الاعزاء مضرورين من سعر العربية لانة بيعوق انتشارها لكن انا بس حبيت اوضح وجةا لنظر التانية اذا سايلنت مان مكسب الوكيل ليس 19600 جنية فالعربية الواحدة لان اكيد مفيش وكيل بيسرق بالشكل البشع دة عموما اتمنا انك تتقبل وجة نظرى بصدر رحب انا والله لا شغال فالتوكيل ولا روحتا لتوكيل بقالى بتاع 4 شهور ولا اعرف اى حاجة عنهم بس انا حكمت عقلى والمنطق والمكسب الاسلامى المنطقى الى اوصا بية الدين على ما افهم فى الدين تجية ليك ولكل اعضاء المنتدى الكرامG IFT4U

استاذ اودا طريقه حسابك غلط....وحشرحلك تانى جايز الامر مش واضح ليك
اولا سعر العربيه اللى هو 68400 ده سعرها شامل الجمارك والنولون اللى هو اسمه الشحن وكمان مصاريف صيانه المركب وهى جايه فى السكه كمان وسعر ايجار الارضيات او الساحات بالتخليص الجمركى كمان
ثانيا حضرتك مكسب الوكيل مش بيتحدد على سعر العربيه بعد مرحله الجمارك والذى منه...لا....بتحدد من سعرها الاصلى اللى هو 40000 .....حبسطهالك
سعرها 40000 تمام ....تيجى الجمارك تقول للوكيل خلى بالك انا حاخد نسبتى عليها 61% يعنى 24400 تمام........يجى يقولها طب خلاص انا كمان ححط نسبه المكسب بتاعتى ......الجمارك تقوله حط النسبه اللى انت عايزها......ماهو الوكيل ظبطهم اكلهم اكله متينه....حيقولوله لا احنا اللى حنحددلك...لاطبعا ...فا بيسبوه يحط النسبه اللى هو عايزها بمزاجه....المهم يجى عمنا الوكيل يقول طب الجمرك اخد نسبته 61% على ثمنها الاصلى اللى هو 40000 طب انا بقى حاخد 49% برده على ثمنها الاصلى 40000 اشمعنى هما يعنى هما على قلبهم زى العسل وانا كوخا......يبقى 19600.....فهمت كيف يتم حساب مكسب الوكيل وليس كما حضرتك فعلت قمت بحساب المكسب على سعرالعربيه بعد الجمرك