ممكن مساعدة
انا معايا شاهين النهاردة وانا طالع بيها بكشف على الزيت والمياه
لاقيت المياه بتاعت الريدياتير مفيش
زودت المياه لحد المستوى بتاعها ورحت مشوارى ولما خلصت وقبل ماادور العربية قلت اكشف تانى عليها لاقيت مفيش مياه
رحت مزود تانى ومشيت شوية بتاع ربع ساعة وقلت ابص على المياه رحت راكن وببص عليها كان الموتور سخن
بفتح الكابوت كانت مروحة التبريد شغالة والمياه جوة الاربة بتغلى جامد
واول ما المروحة تبطل المياه تهدى لحد اما تخلص من الاربة
بصيت تحت العربية قلت ممكن يكون مخروم مفيش مية تحت العربية
استنيت شوية لحد اما بردت شوية
وزودت المياه
ومشيت بيها لاقيت مرة واحدة مؤشر الحرارة زاد عن 90
اضطريت اقف شوية لحد اما تبرد وزودت المياه تانى
لحد اما وصلت للبيت بس النهاردة الميكانيكية قافلين والميكانيكى بتاعى تليفونه مقفول
ممكن تقولولى العيب دة من ايه؟
ياريت حد يساعدنى ويقولى العيب دة من ايه وايه حله
|