انا عن نفسى يمكن ماكنش ليه اصدقاء من صغرى لانى كنت مع والدى فى تجارته واللى كنت اعشقها كمهنه لانها كانت بتوسع افقى وبتخلي مداركى تكبر بسرعه
كان لى صديق فى الثانوى وكنت بعتبره اخويا ولكن كلما اكرمت اللئيم تمرد
وطبعا لانشغالى مع والدى فى شغله فى ايام الجامعه ماكنتش برضه اعرف غير واحد او اتنين واللى كنت عارفهم مش لاقتناعى بيهم كاصدقاء ولكن لمجرد انى لما ادخل الجامعه ماحسش انى لوحدى
وطبعا بعد الجامعه وبدايه البحث عن عمل خارج نطاق شغل والدى ( واللى بعتبرها غلطه عمرى ) وبعدها طريق الجواز بقى اصدائى اتنين
هى زوجتى وشغلى
ولكن احساس الصداقه لمجرد الصداقه واللى مابيربطش الاصدقاء غير مجرد انهم اصدقاء كان موجود ..
واهى ماشيه
بس انا سعيد باصدقائى اللى ذكرتهم زوجتى وشغلى واحدث صديق فيهم هى هنا بنتى وذلك فى انتظار الصديق الرابع اللى بنتكلم عنه لتكتمل المجموعه
ولكن الصديق مش بس هو الانسان اللى ممكن احكى معاه ويحكى معايا
انا ساعات بتخذ ليه اصدقاء من غير البنى ادميين
زى انى اتخذ ربنا صديق
اغنيه حلوه بحبها من زمان وافضل اغنى فيها
زكر جميله دايما فاكرها
صوره عزيزه عليا
حاجات من دى
واوعى حد يقول انى مجنون