الحمد لله
انا بقى بطلت اللحوم المصنعة من زماااااان
الحاجة من حوالي 14 سنة كده سمعت عن حوار الفئران
اللي في مكن الفرم من واحده زمليتها اختها شغاله في مصنع لحوم مصنعة
ومن يومها منعت اي لحوم مصنعة في البيت
بس كنا بنجيبها تهريب انا واخويا وناكلها ونخلصها بسرعة
وكذلك اي شيء مصنع من جبن والبان بدأنا نقلله يوم بعد يوم بقدر الامكان
ربنا يباركلنا في الحاجة بقى بتحاول قدر الامكان تعملنا الحاجة بيتي
لو معرفتش بنقول الحمد لله على نعمة وبناكل اي حاجة
بالنسبة للاخوة اللي بيتسألو على البدائل زي ابو شروق وازاي بيتصرف مع عياله خصوصا انهم اطفال
اولا التوعية والنصح بالحسني وليس بالعند والانفعال عليهم ممكن تقلل الكميات بالتدريج او تخلي قدامهم اكل تاني اشهي منه وهما بيفضلوه
ثانيا اعمل الحاجة في البيت
اللانشون ليه توابل معينه بتتباع عند العطار ممكن تجيب كل فترة كيلو لحم وكيلو فول صويا والتوابل دي وتفرمهم على بعض وتشوف باقي الطريقة اللي بيتعمل بيها ازاي ( لأني مش فاكرها بصراحة )
الهامبورجر بتجيب لحم مفروم وقطعة قالب بورجر بتباع عن بتوع الادوت المنزلية والتوابل عن العطار افرم اللحم وحط التوابل واعمله في البيت على طاسة تيفال ونوع بقى زي ما تحب
الحواوشي اللحم عند الجزار البصل مالي البيت العيش في الفرن والتوابل عند العطار اعمله وخزنه في الفريزر وكل فترة طلع وسخن وكل
الزبادي بيتعمل في البيت عادي
الجبنة دول على مصدر موثوق منه اانا عن نفسي غالبا بناكل جبنة قريش ( علشان خاطر الوالد ) وبتجيلنا من 3 او 4 في البلد اللي ضامنين حاجتهم شكلها ازاي ونضافتهم بيعملواها ازاي
الخلاصة
كل حاجة ممكن تتعمل في البيت
والنت مليان مواقع فيها وصفات كل حاجة
بس احنا اللي اتعودنا على الجري والسرعة وحريمنا كلهم بقوا مكسلين يعملوا
او مشغولين يعملوا خصوصا الستات اللي بتشتغل
متتنظرش واحده هتنزل من بيتها الساعه 7-8 الصبح
وترجع الياعه 3-4 تدور على اكل ايه اللي هتعمله
والا هتذاكر للعيال امتى
والا هتربيهم امتى
اما بقى عن كريم
ربنا معاك يا كيموووووووووووووووووو
:craz yW14: